Jınalǵandar aldynda sóılegen sózinde respýblıkalyq saıası uıymnyń SQOF tóraǵasynyń birinshi orynbasary Evgenıı Glotov saılaýshylar óz usynystary men tilekterin prezıdenttikke kandıdat Qasym-Jomart Toqaevtyń qoǵamdyq qabyldaý bólmeleri, mobıldik úgit-nasıhat toptary arqyly jetkizý múmkindikteri qarastyrylǵanyn atap kórsetti.
«Bul jalpyulttyq aksııa – Qasym-Jomart Toqaevtyń bastamasy. Ár ótinish, ár pikir, ár tilek kandıdatqa jetýi óte mańyzdy! Naqty jaǵdaılardy, saılaýshylardy qandaı máseleler tolǵandyratynyn bilý arqyly aldaǵy baǵdarlamalar túzilip, basym baǵyttardy aıqyndaýǵa septigin tıgizedi. Men jurtshylyqty nemquraıly bolmaýǵa, aksııaǵa belsendi qatysýǵa shaqyramyn. Bir ǵana sóz kóp nárseni ózgerte alady», dedi E. Glotov.
Saılaýshylardyń usynystary men tilekterin jınaý prezıdenttikke kandıdatattyń senim bildirgen ókilderi men qoǵamdyq belsendiler arqyly júzege asyrylyp, tıisti memlekettik organdarǵa jiberiledi.
Jas Otan JQ jergilikti fılıalynyń tóraǵasy Abylaıhan Qaırollaevtyń pikirinshe jastar áleýmettik jeliler arqyly erekshe belsendilik tanytýda. Basty maqsat el múddesi jolynda birlese is-qımyl atqarý bolyp tabylady.