«Kez kelgen memlekette zııaly qaýym ókilderi qoǵamnyń basty rýhanı tiregi bolyp tabylatyny burynnan belgili. Barlyq ýaqytta ıntellıgensııa ulttyń ar-ujdan, qoǵamnyń rýhanı jaǵdaıynyń negizgi ındıkatory boldy. Búginde Qazaqstannyń barlyq jetistikteri Elbasynyń Qazaqstandy jańǵyrtýǵa arnalǵan strategııalyq baǵytymen tyǵyz baılanysty. Sondyqtan, HHI ǵasyrdyń jahandyq shynaıylyǵyna saı keletin jańa qundylyq júıesin quraıtyn «Bolashaqqa kózqaras: qoǵamdyq sanany jańǵyrtý» jáne «Uly dalanyń jeti qyry» maqalalarynda jarııa sana-sezimin jańǵyrtý jónindegi Elbasynyń baǵdarlamasy bizdiń qoǵamymyzdyń damýy úshin úlken ról atqarady. Sondyqtan da bizdiń partııadan úmitker Qasym-Jomart Kemeluly Toqaev Elbasynyń el damýyndaǵy baǵytyn jalǵastyrmaq», dedi Erqanat Manjýov.
Al, óz sózinde partııa ardageri, shtab múshesi Ámzebek Jolshybekov Prezıdentikke kandıdat Qasym-Jomart Toqaevtyń qyzmet jolyn, tabysty jetistikterin, basqarýshylyq tájirıbesin aıta kele, árbir azamatty saılaý kezinde óz tańdaýyn jasaýǵa shaqyrdy. Budan keıin sóz alǵan Qazaqstannyń Eńbek sińirgen qaıratkeri, aqyn Qaıyrbek Asanov jazýshy Kemel Toqaevpen qyzmettes bolǵanyn áńgimelep, estelikter aıtty. Sonymen qatar, barsha jambyldyqtardy saılaýǵa qatysýǵa úndedi. Qazaqstan Jazýshylar odaǵynyń múshesi, aqyn Shyryn Mamaserikova kún sanap qaryshtap damyp bara jatqan elimiz týraly áńgimelep, onyń ishinde Elbasy Nursultan Nazarbaevtyń eren eńbegi bar ekenin atap ótip, óleń oqydy. Al, oblystyq «Aq jol» gazetiniń bas redaktory, jazýshy Kósemáli Sáttibaıuly Qasym-Jomart Toqaevtyń zııaly otbasynda tárbıelengenin, ákesi Kemel Toqaev qazaqtyń tuńǵysh detektıv jazýshysy bolǵanyn, sonymen qatar qalamgerdiń Áýlıeata topyraǵynda da izi qalǵanyn, sol kezdegi «Stalın joly» gazetinde qyzmet atqarǵanyn aıtsa, QR Mádenıet qaıratkeri Álibek Ámzeuly halyq bolashaq urpaqtyń qamy úshin saılaý kezinde laıyqty tańdaý jasaıtynyna senim bildirdi.
Sóz sońynda Erqanat Manjýov barsha jambyldyqtardy 9 maýsym kúni ótetin saılaýǵa kelip, Qazaqstannyń tabysty bolashaǵy úshin Nur Otan partııasynan kandıdat Qasym-Jomart Kemeluly Toqaevqa daýys berýge shaqyrdy.