Ortalyqtan alys jatqan Aral qalasynda búginge deıin tórt myń kásipkerlik sýbektisi tirkelipti.
Búginde eń ótimdi taýar azyq-túlik bolyp otyrǵandyǵy belgili. Kásipkerler Álibı Tileýbergenov memlekettik qoldaý arqyly myń taýyq ósirip, táýligine ortasha eseppen 600-700-ge deıin jumyrtqa alyp otyr. Aýyldaǵy taýyqtardaı aýlaǵa jem shashatyndaı emes, jumyrtqalaǵysh taýyqtarǵa dárýmeni mol qurama jem kerek. Alǵashqyda tamaqtaný rasıonyn jasaı almaı qınalǵan kásipker istiń kózin biletin arnaýly bilimi bar maman alǵan.
- О́tken jyldyń qorytyndysy boıynsha aýdan turǵyndary túrli qarjy ınstıtýttary arqyly kólemi 1,6 mlrd teńge nesıe aldy. Jyl basynan «Bıznestiń jol kartasy 2020» baǵdarlamasy boıynsha jalpy quny 161 mln teńgeni quraıtyn 10 joba maquldandy. О́ńirlik ınvestısııa ortalyǵy arqyly 61,5 mln teńgeni quraıtyn 5 joba kelisildi. Budan bólek, qazirgi kezde aýdan boıynsha 312 mln teńgeni quraıtyn 88 joba daıyndalyp, túrli qarjy ınstıtýttaryna tapsyrý daıyndyq ústinde,- deıdi aýdandyq ónerkásip, kásipkerlik jáne týrızm bóliminiń basshysy Rahmetjan Bısembaev.
Memlekettik qoldaý bıznespen shuǵyldanǵysy keletin azamattarǵa osylaısha ońtaıly jaǵdaı jasap otyr.
Qyzylorda oblysy