Halyqaralyq áýejaı salynady

Úkimet basshysy oblys orta­l­y­ǵyna kelgen boıda «Turkistan inter­natio­nal ­airport» halyqaralyq áýejaıy qu­rylysynyń ornyna kapsýla salý rásimine qatysty. Joba YDA Holding túrik kompanııasymen birlesip iske asyrylady, tartylatyn ınvestısııa kólemi – 70 mln AQSh dollarynan astam.

YDA Holding basqarma tóra­ǵasy Arslan Hýseın áýejaıdyń ha­lyqaralyq standarttarǵa saı jo­balanatynyn jáne sońǵy shyq­qan qurylys tehnologııalaryn paı­dalana otyryp salynatynyn aıtty. Termınaldyń ótkizý qabi­leti jylyna 3 mln jolaýshy­ny qu­raıdy. Nysandy 2020 jyl­dyń so­ńynda paıdalanýǵa berý kóz­delgen.

Jumys sapary aıasynda áleýmettik nysandar men ákimshilik maqsattaǵy ǵımarattardy salý barysy qaraldy, onyń qatarynda oqýshylar saraıy, týrıstik ba­ǵyttaǵy kolledj, sport jáne mý­zyka mektepteri, sport saraıy, halyqqa qyzmet kórsetý orta­ly­ǵy, attraksıondary bar park, mý­zy­kalyq sýburqaq, amfıteatr, son­daı-aq oblystyq ákimdik, medıa-ortalyq jáne kongress holl bar.

Qalanyń tarıhı-mádenı or­ta­lyǵynda Q.A.Iаsaýı mýzeıin, ob­lystyq ǵylymı-ámbebap kitap­hanany, shyǵys monshasyn salý jáne vızıt-ortalyǵynyń ǵıma­ratyn rekonstrýksııalaý jumys­tary tekserildi.

Sonymen qatar Premer-Mı­nıstr saıabaq pen «Nur-Sultan» alańynyń, Neke saraıynyń, «Rixos Turkestan» qonaqúıiniń qu­ry­lysy bastalǵan alańdardy ara­lap kórdi.

Jańadan salynyp jatqan ǵı­ma­­rattardy elektr energııasy­men úzdiksiz qamtamasyz etý maq­satynda Túrkistan qalasynda «Iаs­sy» shaǵyn stansasy salyndy. Qa­zirgi tańda irgetasyn qalaý ju­mystary júrgizilip jatyr. A.Ma­mınge nysandy 2020 jyldyń bi­rin­shi jartysynda paıdalanýǵa be­rý kózdelip otyrǵany baıandaldy.

Qaladaǵy joldar sapasyn jaq­sar­tý jáne kóshelerin abattandyrý ju­mystaryna da erekshe kóńil bólindi.  

Premer-Mınıstr A.Mamın­niń Túr­kistan oblysyna jumys sapary aıasynda jalpy somasy 1,97 mlrd dollardy quraıtyn 5 qujatqa, Túr­kistan oblysynyń ákimdigi men «Eko-kýltýra» reseılik kompanııasy arasyndaǵy 1,1 mlrd dollarǵa Keles aýda­nyn­da aýmaǵy 500 ga bolatyn jy­lyjaı keshenin salý jónin­degi ózara túsinistik týraly me­morandýmǵa; Indýstrııa jáne ınfra­qurylymdyq damý mınıstrligi, Túrkistan oblysynyń ákimdigi jáne KAZAKHSTAN CHN-KZ ELECTRIC INDUSTRIAL PARK GROUP qytaı kompanııa­sy arasynda 524 mln dollarǵa «Túrkistan» ındýstrııalyq aımaǵynda energetıkalyq jabdyq pen buıymdar shyǵarý boıynsha Qazaqstan – Qytaı ındýstrııalyq parkin salý jónindegi ózara tú­sinistik týraly memorandýmǵa; Energetıka mınıstrligi, Túr­kistan oblysynyń ákimdigi já­ne KAZAKHSTAN CHN-KZ ELECTRIC INDUSTRIAL PARK GROUP qytaı kompanııasy arasyndaǵy 225 mln dollar somasyna Kentaý qalasynda qýaty 200 mVt bolatyn «Qotyrbulaq» jel elektr stansasy men kún elektr stansasyn salý jónindegi ózara túsinistik týraly memorandýmǵa; Túrkistan oblysynyń ákimdigi men «KazPV LTD» JShS arasyndaǵy 100 mln dollardyń qazaqstandyq kremnıı negizinde fotoelektrlik modýlderdi paıdalanatyn, qýaty 100 mVt bolatyn kún elektr stansalaryn salý jónindegi ózara túsinistik týraly memorandýmǵa; Túrkistan oblysynyń ákimdigi men POLCOTTON LTD polıak kom­panııa­sy arasyndaǵy 27 mln dollar Saıram aýdanynda aýmaǵy 21 ga bolatyn jylyjaı keshenin salý jó­nin­degi ózara túsinistik týraly memorandýmǵa qol qoıyldy.

Túrkistan