Shýchınsk qalasynda bolǵan qaıǵyly oqıǵadan keıin Aqmola oblysy ákimdigi qoǵamdyq tamaqtaný oryndarynda jáne halyq kóp jınalatyn jerlerde gaz ballondaryna tekseristi kúsheıtti, dep habarlaıdy Egemen.kz
Oblys ákiminiń tapsyrmasymen órt qaýipsizdigi erejelerin saqtaý boıynsha baqylaý kúsheıtildi. Gaz qaýipsizdigi salasyndaǵy baqylaý fýnksııalary aýdan jáne qalalyq ákimdikterdiń turǵyn úı ınspeksııalaryna júktelgen. Qazirgi ýaqytta tekserýler men reıdter júrgizilip jatyr.
Mobıldi toptar áleýmettik ınfraqurylym obektilerin, kóppáterli jáne jeke úılerdi, sondaı-aq gaz toltyrý jáne avtogaz beketterin aralap shyqty. Sonymen qatar turmystyq gaz ballondaryn ýtılızasııalaý pýnktterin qurý máselesi qarastyrylýda, bul múmkin bolatyn táýekelderdi azaıtýǵa arnalǵan.
Aımaqta aqparattyq jumys ta júrgizilip jatyr.
Eske salaıyq, 27 aqpanǵa qaraǵan túni Aqmola oblysynyń Shýchınsk qalasynda turǵyn úı ǵımaratynda ornalasqan dámhanada gaz jarylysy bolǵan. Oqıǵa saldarynan segiz adam kóz jumdy.