Memleket basshysy Brazılııanyń Syrtqy ister mınıstri Maýro Vıeırany qabyldady. Qasym-Jomart Toqaev Brazılııa Qazaqstannyń Latyn Amerıkasyndaǵy basty seriktesteriniń biri ekenin aıtty, dep habarlaıdy Egemen.kz Aqordanyń baspasóz qyzmetine silteme jasap.
«Sizdiń Qazaqstanǵa saparyńyz der kezinde uıymdastyrylyp otyr. Bul ekijaqty qarym-qatynastardy nyǵaıtýǵa tyń serpin beretinine senimdimin. Elderimiz arasyndaǵy san qyrly yntymaqtastyq dáıekti túrde damyp kele jatyr. Sizben birge úlken iskerlik delegasııa keldi. Bul Qazaqstanmen yqpaldastyqty ilgeriletýge asa jaýapkershilikpen qaraıtyndaryńyzdy kórsetedi», dedi Prezıdent.
Memleket basshysy Prezıdent Lýla da Sılvaǵa izgi sálemi men ystyq yqylasyn joldap, elimizge saparmen kelýge shaqyrdy.
Prezıdent Adam quqyqtary jónindegi komıssııanyń tóraǵasyn taǵaıyndady
Maýro Vıeıra Qazaqstanǵa Brazılııa Prezıdentiniń arnaıy tapsyrmasy boıynsha kelgenin jetkizdi. Onyń aıtýynsha, eki el arasyndaǵy saıası, saýda-ekonomıkalyq jáne mádenı-gýmanıtarlyq baılanystardy odan ári keńeıtýdiń áleýeti zor.
Qazaqstan Prezıdenti men Brazılııa Syrtqy ister mınıstri energetıka, taý-ken metallýrgııa kesheni, aýyl sharýashylyǵy, ınnovasııa jáne jasandy ıntellekt salalaryndaǵy yntymaqtastyqty tereńdetý perspektıvasyn talqylady.
Memleket basshysy halyqaralyq qaýipsizdik, ıadrolyq qarýsyzdaný jáne jappaı qyryp-joıatyn qarýdy taratpaý máselelerinde ózara kúsh biriktirýdiń mańyzyna toqtaldy.
Budan bólek, BUU jáne onyń qurylymdaryn reformalaý jaıy, sondaı-aq Irannyń ıadrolyq baǵdarlamasy tóńiregindegi ahýal qarastyryldy.
Túrkııa Prezıdenti Qazaqstanǵa memlekettik saparmen keledi
Qasym-Jomart Toqaev Qazaqstannyń atom qýatyn MAGATE baqylaýymen tek beıbit maqsatta paıdalanýǵa beıil ekenin rastady.
Kezdesýde elimiz ıadrolyq qarýdy taratpaý boıynsha halyqaralyq arenada zor senimge ıe ekeni aıtyldy. Sonymen qatar elimizde ıadrolyq materıaldardy qaýipsiz paıdalanýǵa qajetti ınfraqurylym, sarapshylyq jáne ǵylymı-tehnıkalyq baza qalyptasqan.
MAGATE-niń az baıytylǵan ýrandy saqtaıtyn álemdegi jalǵyz banki Qazaqstan aýmaǵynda ornalasqan.
Memleket basshysy elimiz izgi nıet tanyta otyryp, Irandaǵy ıadrolyq problematıkanyń sheshilýine septigin tıgizýge daıyn ekenin málimdedi. Ol úshin tıisti halyqaralyq ýaǵdalastyqqa qol jetkizilip, atalǵan másele naqty iske ulasýy qajet.