Qazaqstan mektepterinde tórtinshi toqsan 25 mamyrda aıaqtalady. Oqý jylynyń aıaqtalýyna sanaýly kúnder qalǵandyqtan, mektepterde bólimdik jáne toqsandyq jıyntyq baǵalaý ótip, qorytyndy attestattaýǵa daıyndyq bastaldy, dep habarlaıdy Egemen.kz.
Oqý-aǵartý mınıstriniń buıryǵyna sáıkes, 9-synyp oqýshylarynyń qorytyndy emtıhandary 29 mamyr – 11 maýsym aralyǵynda, al 11 (12)-synyp túlekteriniń memlekettik emtıhandary 2-15 maýsym kúnderi ótedi.
9-synyp oqýshylary myna pánderden emtıhan tapsyrady: – 29 mamyr – matematıkadan (algebra) jazbasha emtıhan; – 3 maýsym – tańdaý páni boıynsha jazbasha emtıhan; – 8 maýsym – qazaq tili nemese orys tili jáne uıǵyr/tájik/ózbek tilinde oqytatyn mektepterdegi ana tili boıynsha esse; – 11 maýsym – qazaq tili men ádebıeti nemese orys tili men ádebıeti pánderinen jazbasha emtıhan.
Qazaqstanda negizgi UBT bastaldy
11 (12)-synyp túlekteri úshin emtıhan kestesi tómendegideı: – 2 maýsym – Qazaqstan tarıhynan aýyzsha emtıhan; – 5 maýsym – algebra jáne analız bastamalarynan jazbasha emtıhan; – 9 maýsym – oqytý tili boıynsha jazbasha emtıhan; – 12 maýsym – tańdaý páni boıynsha emtıhan; – 15 maýsym – qazaq tili men ádebıeti nemese orys tili men ádebıeti pánderinen jazbasha emtıhan.
Sonymen qatar 5-8 jáne 10-synyp oqýshylary mamyr aıynyń sońynda qazaq tilinen emtıhan tapsyrady.
UBT formaty ózgeredi: Endi talapkerler bir-aq ret test tapsyrady