Amerıkalyq Blue Origin kompanııasy AQSh-tyń Aı baǵdarlamasyna qatysýdy keminde bir jylǵa keshiktirýi múmkin. Bul týraly Politico basylymy NASA-nyń burynǵy qyzmetkeriniń esepteýlerine silteme jasap habarlady, dep jazady Egemen.kz
29 mamyr kúni mıllıarder Djeff Bezosqa tıesili Blue Origin kompanııasynyń New Glenn zymyrany Florıda shtatyndaǵy ushyrý alańynda jarylǵan. Associated Press agenttiginiń málimetinshe, jarylys ǵarysh aılaǵynyń ınfraqurylymyna eleýli zııan keltirgen. Qazirgi ýaqytta kompanııa keltirilgen shyǵyn kólemin baǵalap jatyr.
NASA Aıdy ıgerý josparyn jarııalady
NASA josparyna sáıkes, 2027 jyly «Artemıda III» mıssııasy júzege asyrylýy tıis. Onyń aıasynda 2028 jylǵa josparlanǵan Aıǵa qoný mıssııasynyń aldynda Orion ǵarysh kemesiniń Blue Origin jáne Ilon Masktyń SpaceX kompanııasy ázirlep jatqan qoný modýlderimen túıisý jáne jaqyndasý múmkindigi tekseriledi.
NASA-nyń burynǵy qyzmetkeriniń aıtýynsha, ǵarysh aılaǵynyń ınfraqurylymyn qalpyna keltirý, apattyń sebepterin anyqtaý, New Glenn zymyranynyń ushý synaqtaryn qaıta bastaý jáne «Artemıda III» baǵdarlamasyna qajetti synaqtardy ótkizý ýaqytty talap etedi.
Búgin NASA 54 jyldan keıin Aıǵa alǵashqy ekıpajyn ushyrady
Sondyqtan Blue Origin kompanııasynyń Aı baǵdarlamasyna qatysýy kem degende bir jylǵa keshigýi múmkin.
Alaıda maqalada aıtylǵandaı, eger SpaceX kompanııasy qajetti daıyndyq jumystaryn ýaqytynda aıaqtasa, «Artemıda III» mıssııasy 2027 jyly josparlanǵan merzimde júzege asýy yqtımal.