Taıaý Shyǵystaǵy qaqtyǵystyń jalǵasýyna baılanysty Air Astana Almaty men Astanadan aımaqtaǵy úsh elge josparlanǵan reısterdiń toqtatylýyn taǵy eki aıǵa uzartýǵa májbúr, dep habarlaıdy Egemen.kz
Air Astana baspasóz qyzmetiniń málimetinshe, jolaýshylar ushaqtary 31 shildege deıin Saýd Arabııasyna, BAÁ-ge jáne Katarǵa reısterdi oryndamaıdy.
Almaty men Varshava arasynda tikeleı áýe reısi ashylady
Áýekompanııa toqtatylǵan reıster boıynsha jolaýshylarǵa kelesi múmkindikterdi usynady:
- bılet baǵasyn aıyppulsyz tolyq qaıtarý;
- 31 shildege deıin nemese odan buryn Taıaý Shyǵysqa ushatyn reısterge tegin qaıta brondaý;
- 31 shildege deıin nemese odan buryn ushatyn basqa áýekompanııalarynyń baǵyttaryna tegin qaıta brondaý, jol aqysy men áýejaı salyqtaryna qosymsha aqy alynýy múmkin.
Áýekompanııa Taıaý Shyǵystaǵy jaǵdaıdy baqylap otyrǵanyn jáne kez kelgen ózgerister týraly habarlaıtynyn málimdedi.
Astana men Sankt-Peterbýrg arasynda áýe reısi qaıta jandanady
Bul naýryz aıynan beri Qazaqstannan Taıaý Shyǵysqa reısterdiń toqtatylýyn tórtinshi ret uzartý. Buǵan deıin Almaty men Astanadan reıster 3 naýryzǵa deıin, sodan keıin 30 sáýirge deıin jáne úshinshi ret 31 mamyrǵa deıin toqtatylǵan edi.