Pavlodar oblysynda oryn alǵan jol-kólik oqıǵasy saldarynan úsh adam túrli dene jaraqattarymen aýrýhanaǵa jetkizildi, dep habarlaıdy Egemen.kz
Aldyn ala málimet boıynsha, jolaýshylar mingen taksı kóligi jol jıegindegi qorǵanys qorshaýyna soǵylǵan. Apat saldarynan kóliktegi úsh adam zardap shekken.
Zardap shekkenderdiń arasynda 21 jastaǵy jolaýshynyń jaǵdaıy asa aýyr. Dárigerler onyń ómirin saqtap qalý úshin eki aıaǵyna ampýtasııa jasaýǵa májbúr bolǵan. Qazirgi ýaqytta ol jansaqtaý bóliminde em qabyldap jatyr.
Oqıǵanyń mán-jaıy anyqtalýda.