Qazaqstanda beırezıdentterdiń bank shottaryn ashý tártibine ózgerister engizý josparlanýda. Bul týraly qarjy naryǵyn retteý jáne damytý máselelerine qatysty qaýly jobasynda aıtylǵan, dep habarlaıdy Egemen.kz
Jobaǵa sáıkes, bankter klıentterdiń operasııalaryn baqylaý, zerdeleý jáne taldaý barysynda táýekelge negizdelgen tásildi qoldanatyn bolady. Sondaı-aq Qazaqstan Respýblıkasynyń beırezıdentteri úshin bank shottaryn ashý rásimderin ońtaılandyrý kózdelip otyr.
Qujatta atalǵan túzetýler qarjy uıymdaryna túsetin artyq retteýshilik júktemeni azaıtý jáne qoldanystaǵy zańnamamen sáıkestikti qamtamasyz etý maqsatynda ázirlengeni kórsetilgen.
Joba qarjy naryǵynda qylmystyq jolmen alynǵan kiristerdi zańdastyrýǵa (aqshany jylystatýǵa), terrorızmdi qarjylandyrýǵa jáne jappaı qyryp-joıý qarýyn taratýdy qarjylandyrýǵa qarsy is-qımyl sharalaryn jetildirýge baǵyttalǵan.
Qujat avtorlarynyń pikirinshe, usynylyp otyrǵan ózgerister qarjy júıesiniń ashyqtyǵyn arttyryp, oǵan degen senimdi nyǵaıtýǵa múmkindik beredi.