Jasóspirimder arasyndaǵy Fransııa ashyq chempıonatyndaǵy alǵashqy oıynyn Zańǵar Nurlanuly jeńispen bastady, dep habarlaıdy Egemen.kz
Búgin týrnırdiń 1/32 fınalynda 17 jastaǵy qazaqstandyq tennısshi Ulybrıtanııa ókili Mark Kebanmen kezdesti.
1 saǵat 37 mınýtqa sozylǵan matchta Zańǵar Nurlanuly qarsylasyn eki sette jeńip, kelesi kezeńge joldama aldy. Kezdesý 6:3, 6:4 esebimen qazaqstandyq sportshynyń paıdasyna aıaqtaldy.
Sensasııalyq jeńilis: Elena Rybakına «Rolan Garrostyń» ekinshi aınalymynan asa almady
Endi otandasymyz 1/16 fınalda japonııalyq Motoharý Abe men amerıkalyq Agassı Rasher arasyndaǵy matchtyń jeńimpazymen kezdesedi.
Esterińizge salaıyq, eresekter arasynda «Rolan Garros» týrnırinde Qazaqstan atynan synǵa túsken Elena Rybakına, Aleksandr Býblık, Iýlııa Pýtınseva jáne Aleksandr Shevchenko jarys jolyn aıaqtaǵan edi. Ázirge Anna Danılına ǵana jekeleı oıynda óner kórsetip jatyr.