Sońǵy kúnderi Kún betinde birqatar qýatty jarylystar tirkeldi. Eń sońǵysy M5.7 klasyna jatady. Ǵalymdardyń aıtýynsha, qazirgi sátte bul qubylystar Jerge tikeleı qaýip tóndirmeıdi, dep habarlaıdy Egemen.kz.
Reseı ǵylym akademııasynyń Ǵaryshtyq zertteýler ınstıtýtyna qarasty Kún astronomııasy zerthanasynyń málimetinshe, belsendi aımaqtyń áseri Jerge eki kúnnen keıin sezilýi múmkin. Eger Kúndegi belsendilik saqtalsa, bul geomagnıttik jaǵdaıǵa yqpal etetin jańa ózgeristerge ákelýi yqtımal.
Baqylaý derekterine sáıkes, 10 mamyr kúni Kúnde C klasyna jatatyn 11 álsiz jarylys tirkelgen. Buǵan deıin 7 mamyrda M klasyna jatatyn iri jarylys bolǵan, bul Kún belsendiliginiń áli de joǵary deńgeıde ekenin kórsetedi.
Kún betinde alapat jarylys týdyra alatyn energııa jınaqtalyp jatqan bolýy múmkin
Mamandar jaǵdaıdy úzdiksiz baqylaýda ustap otyr jáne aldaǵy kúnderi Kún belsendiliginiń ózgerýi múmkin ekenin joqqa shyǵarmaıdy.
Kún betinde aýqymdy jarylys boldy
Kúndegi jarylystar rentgen sáýlesiniń qarqyndylyǵyna qaraı A, B, C, M jáne X klastaryna bólinedi. Mundaı qubylystar Jerde magnıttik daýyl týdyryp, energetıkalyq júıelerdiń jumysyna, janýarlar mıgrasııasyna áser etýi jáne polıarlyq shuǵyla aımaǵyn keńeıtýi múmkin.
Kúnde qýatty jarqyl tirkeldi: Jerge qalaı áser etýi múmkin?