«Qazgıdromet» aldaǵy kúnderi Qazaqstannyń soltústik jartysynda túngi ýaqytta aýa temperatýrasy nólden tómen bolatynyn eskertti. 13 mamyrda úsik ońtústik-shyǵys óńirlerde de kútiledi, dep jazady Egemen.kz.
Sınoptıkterdiń málimetinshe, Skandınavııa aýmaǵynan kelgen antısıklon Qazaqstannyń barlyq óńirine salqyn aýa ákelgen. Sýyq aýa massalarymen tolyǵyp otyrǵan antısıklon jaqyn kúnderi el aýmaǵyndaǵy aýa raıyna áserin jalǵastyrady.
Elimizdiń basym bóliginde aýa raıyna baılanysty eskertý jarııalandy
Osyǵan baılanysty soltústik, shyǵys jáne ortalyq aımaqtarda túngi ýaqytta teris temperatýra saqtalady. Al antısıklon el aýmaǵy arqyly jyljyǵan saıyn, 13 mamyrda túngi úsik ońtústik-shyǵys óńirlerge de jetedi.
Buǵan deıin sınoptıkter mamyr aıynyń ekinshi jáne úshinshi onkúndiginde elimizdiń batysynda, ońtústiginde, ońtústik-shyǵysynda jáne ortalyǵynda kúndizgi aýa temperatýrasy +33…+41 gradýsqa deıin kóterilýi múmkin ekenin habarlaǵan edi.
Aptap ystyq, nóser, burshaq: Mamyr aıynda aýa raıy qubylmaly bolady