Tórt atalym boıynsha anyqtalady

Mádenıet jáne sport mınıstrligi maýsym aıynda jýrnalısterdiń tól merekesi – Baspasóz jáne aqpa­rat qyz­metkerleri kúnine oraı memlekettik til saıasatyn buqaralyq aqparat quraldarynda nasıhattaý, qazaqtildi kontentti arttyrý jáne memlekettik tildiń qoldaný aıasyn keńeıtý maqsatynda «Memlekettik til jáne BAQ» respýblıkalyq baıqaýyn ótkizedi. 

Til saıasaty komıteti men «Sh.Shaıah­metov atyndaǵy «Til-qa­zyna» ǵylymı-tájirıbelik or­talyǵy» AQ uıymdastyrýymen bolatyn konkýrsqa el aýmaǵyndaǵy barlyq BAQ ókili qatysa alady. Ol úshin 2018 jylǵy 11 maýsym men 2019 jylǵy 3 maýsym aralyǵynda memlekettik til saıasatyn nasıhattaıtyn, qazaq tiliniń qoldanys aıasyn keńeıtýge yqpal etip, Til týraly zańǵa qaıshy áreketterdi áshkereleıtin BAQ-ta jarııalanǵan materıaldaryn bıylǵy 4 maýsymǵa deıin joldaýlary tıis. 

Baıqaýdy uıymdastyrýshy­lardyń aıtýlaryna qaraǵanda, jeńimpazdar tórt atalym boıynsha anyqtalady: «Úzdik maqala», «Úzdik telebaǵdarlama», «Úzdik radıobaǵdarlama» jáne «Úzdik saıt maqalasy». 

Konkýrsqa qatysýshylardyń jumystaryn komıtet bekitken mamandar – fılologııa, jýrnalıstıka salalarynyń bilikti mamandary, ǵalymdar, zııaly qaýym ókilderinen quralǵan komıssııa baǵalap, jeńimpazdy anyqtaıdy. 

«Baıqaý jeńimpazyna 1 mln teńge tabystalady. Ár atalym boıynsha júldegerler: 1-oryn – 500 myń teńge, 2-oryn – 350 myń teńge, 3-oryn – 150 myń teńgeniń sertıfıkatyna ıe bolady» deıdi mınıstrlik ókilderi. 

Aıta keteıik, aldyńǵy baı­qaýlarda bas júlde alǵan je­ńim­­pazdar konkýrsqa qatys­ty­rylmaıdy.