Onda Shymkent qalasy qoǵamdyq densaýlyq saqtaý departamentiniń basshysy Ábdimanap Tólebaev dári-dármek saýdasyna baılanysty salalyq mınıstrliktiń túsindirme jumystaryn baıandady.
Shymkent qalasy densaýlyq saqtaý basqarmasy, qoǵamdyq densaýlyq saqtaý departamenti jáne Farmasııa komıtetiniń Shymkent qalasy boıynsha departamenti uıymdastyrǵan brıfıngte dárihanalarda dárilik zattardy dárigerdiń resepti boıynsha satý máselesine túsindirme júrgizdi.
Departament basshysynyń aıtýynsha bıyl elimizde Densaýlyq saqtaý mınıstrligine qarasty farmasııa men qoǵamdyq densaýlyq saqtaý komıtetteri biriktirilip, taýarlar men kórsetiletin qyzmetterdiń sapasy men qaýipsizdigin baqylaý komıteti bolyp qurylýda.
«Dári-dármekterdiń resept boıynsha satylýy qoǵamda mańyzdy másele bolyp tur. Dármekterdi tıimsiz qoldanýdan adamnyń densaýlyǵyna zııan keltiretin faktiler kezdesýde. 2018 jyly dárihanalarda dárigerdiń reseptinsiz dári satqan 24 jaǵdaı tirkelip, shara kórildi. Zań aıasynda jumys istemegen jaǵdaıda 70-ten bastap 1000 AEK aıyppuldar salynady. Ásirese, turǵyndarǵa antıbıotıktermen emdelýde dárigerdiń keńesi men olar jazyp bergen resept boıynsha em alýǵa keńes beremiz. О́ıtkeni óz betimen nemese tamyr-tanystardyń aıtýymen antıbıotıkpen emdelý qaýipti aýrýlarǵa soqtyrady», dedi QR DSM Farmasııa komıtetiniń Shymkent qalasy boıynsha departamentiniń basshysy L. Qashqymbaeva.
Sala mamandary dárilik zattardy qabyldaýda ony satý boıynsha dárigerler men jeke kásipkerlerge qoldanystaǵy talaptardyń qaǵıdalaryn saqtaý qajettigin atap ótti. Mamandardyń aıtýynsha, elimizde dárilik zattardyń 7 792 ataýy tirkelgen, onyń 6 033-i dárigerdiń resepti boıynsha, 1759-y repesptsiz satylady.
Qazirgi tańda Shymkentte 1180 dárihana jumys isteıdi. Ondaǵy mamandar dárilik preparattardy satý boıynsha turǵyndarǵa túsindirý jumystaryn júrgizedi.