Jazǵy lagerlerdi jańasha uıymdastyrý qajet

Bul bir óńirge ǵana emes, barsha eli­mizdegi balalar demalysyn uıym­dastyrý­shylarǵa ortaq másele. Qalyptasqan júıeni jańǵyr­typ, balalar demalysyn zama­naýı deń­geıde, esten ketpesteı qyzyqty ári taǵylymdy etip ót­kizýdiń joldaryn qarastyrý qajet-aq. 

О́ıtkeni elimizdiń ár túkpirinen jaz­ǵy demalysqa baryp kelgen balalar turmaq, jaýapty ustazdar­dyń jy­lar­­­man kúıde oralǵanyn kó­rip júrmiz. Bólmelerdegi mate­rıal­­dyq jaǵdaıdyń jutań­dyǵy, tamaq sapa­synyń jáne ár alýan­dyǵy­nyń mardym­syz­dyǵy, demalys shara­lary­nyń qyzyqty bolmaýy alystan at arytyp bar­­ǵandardyń kóńilin sý sepken­deı basady. О́t­ken jy­ly bas­taýyshty bitire sala al­dyńǵy ke­zekte lagerge attan­ǵan oqý­shy­nyń «Mundaı lagerge bar­ǵansha, aýyl­da, úıde bolǵa­nym jaqsy edi», degeni kóp oılarǵa jeteleıdi. 

Balalardyń jazǵy demalysyn, lagerlerdi uıym­das­tyrýda jańa­shyl­­dyq qajet-aq. Áıtpese bólingen qyrýar qarjy sany bar sapasy joq demalys oryndary men lagerlerge jumsalyp, balalarymyz jyltyraq esepter men «bári jaqsy» degen oń belginiń qurbany bolyp ketetin jaıt kezdespeı turmaıdy. La­ger­lerdiń sanymen birge de­m­alys­tyń sapasy da artýy tıis. 

Mańǵystaýda jazǵy demalys máselesi óz kókjıegin keńeıtip ke­ledi deýge bolady. Lagerler sa­ny artyp, balalardy kóńildi de­­malyspen qamtýǵa qulshynys bar. 

Álbette, demalysty uıym­dastyrý­dyń joldary kóp. Bul iske elimizde júze­ge asyrylyp jatqan týrıstik ále­ýet­ti arttyrýdyń áser-yq­paly tııý­de. 

Balalardy elimizdiń já­ne shet­elderdiń demalys lager­lerinde, týrıstik oryndarynda demaltý, el men jer tanytý maqsatynda qydyrtý memleket tarapynan, sondaı-aq iri kompanııalar, ujymdar qoldaýymen uıym­das­tyrylsa, ekinshiden, otbasylyq demalys túrinde ata-ana óz ese­binen júzege asyryp keledi. 

Oblystyq bilim basqar­masy­nyń basshysy A.Seıdalıev mań­ǵys­­taýlyq balalar jazǵy demalyspen tolyq qamtylatynyn aıtady. 

Qazirgi tańda oblys mektep­terinde 1-10 synyp aralyǵynda 133 317 bala bilim alýda. Úrdis bo­ıynsha jazǵy saýyqtyrý ju­mystary «lagerlerde demalys» jáne «balalardyń bos ýa­qytyn tıimdi paıdalaný» syndy eki baǵytta júzege asyrylady. To­lyq qamtylady dep senimdi sóı­leýge qala syr­tyndaǵy 4 lager, 89 mektep janyndaǵy jáne qosymsha uıymdarda ótetin lagerler, jalpy óńirdegi 319 sa­ýyq­­tyrý ortalyǵy negiz bo­la alady. Balalar mektep ja­­nyndaǵy lagerlerde ta­nym­dyq, shyǵarmashylyq, sporttyq sharalarǵa qatysyp, tańerteńnen keshke deıin demalady. Sonymen qatar qosym­sha 102 kásiptik, 124 týrızm, sport, palatalyq baǵyttaǵy lager­leri óz jumysyn bastaıdy dep josparlanǵan. Balalardy jazǵy demalyspen tolyq qamtý úshin aýdandyq, qalalyq bıýdjetten 429 mln teńge qarajat bólindi. Mektep janyndaǵy, qala syrtyndaǵy lagerlerden bólek, balalar úshin kúnine 2-3 saǵattyq saýyqtyrý sharalary da oılastyrylǵan. Týrıstik, sporttyq, tanymdyq sharalary aıasynda balalar eki-úsh kúndik saıahattarǵa shyǵatyn bolady. 

– Aımaqta az qamtylǵan ot­basynan shyqqan 11700 ba­la bar. Barlyǵy tegin demalys­pen qamtamasyz etiledi. Onyń ishinde 40 bala «Adjıp Kas­pıan» mekemesiniń demeý­shiligimen tamyz aıynda Ita­lııa eline joldama alady. So­nymen qatar balalar úıiniń tárbıelenýshileri úshin de Alma­ty, Astana qalalarynda demalys josparlanǵan, – deıdi oblystyq bilim bas­qarmasynyń basshysy A.Seı­dalıev. 

Mańǵystaý oblysy