Qazaqstannyń Tuńǵysh Prezıdenti Eýrazııalyq ekonomıkalyq odaqtyń qurylý tarıhyna toqtalyp, ıntegrasııalyq birlestiktiń Eýrazııa keńistiginde qalyptasýynyń negizgi nátıjelerin atap ótti.
– Biz bes memlekettiń kúsh-jigerin jumyldyryp, orasan zor aýmaqta biregeı ekonomıkalyq odaq qurdyq. Bizdiń bıznes qaýymdastyqtarymyz tyǵyz yntymaqtasyp, Eýrazııalyq ekonomıkalyq odaqtyń múmkindikterin paıdalanýda. Qazaqstanda Odaq elderimen birlese qurǵan kásiporyndardyń sany 11 myńǵa jetti, – dedi Nursultan Nazarbaev.
Sondaı-aq, Qazaqstannyń Tuńǵysh Prezıdenti teń áriptestik pen bir-biriniń naryǵyna erkin kirýge qatysty Odaqtyń rettelmegen máselelerine toqtaldy.
Álemde qalyptasqan jaǵdaıǵa jáne óńirlik úrdisterge baılanysty, Nursultan Nazarbav ıntegrasııalyq úderisti odan ári damytýǵa qatysty óz oıyn ortaǵa saldy.
Elbasy birlesken iri ınfraqurylymdyq jobalardy ázirleý jáne júzege asyrý úshin tıisti jumystardy jandandyrý qajettigin aıtty.
Sonymen qatar, Nursultan Nazarbaev múshe-memleketterdiń ishki óndirisin damytýǵa baǵyttalǵan «aqyldy ıntegrasııany» júzege asyrýdyń mańyzdylyǵyna toqtaldy.
Sońynda Nursultan Nazarbaev halyqtarymyzdyń ıgiligi úshin ıntegrasııalyq birlestikti odan ári dáıekti damytýdyń mańyzdylyǵyn atap ótti.