QMDB-nyń Qyzylorda oblysy boıynsha ókildigine qarasty meshitterde Oraza aıt merekesi joǵary deńgeıde atalyp ótti. Aımaqtaǵy barlyq meshitte ýaǵyz aıtylyp, namaz oqylyp, merekelik dastarqan basynda sporttyq sharalar ótkizildi.
Oblystyń Bas meshiti – «Aqmeshit-Syrdarııa» ortalyq meshitinde jamaǵatqa О́kil ımam Bolatbek Ulasqanuly «Oraza aıt» týraly ýaǵyz aıtyp, aıt qutbasyn oqydy.
Barsha jamaǵattyń aldynda «30 kúnde 30 aýyzashar» aksııasyna eleýli úles qosqan ashana basshysy E.Raımovqa alǵys bildirip, qazaqy dástúrmen ıyǵyna shapan japty.
Bıylǵy aıt meıramynyń eleýli oqıǵasy QMDB «Zeket» qaıyrymdylyq qorynyń uıymdastyrýymen bastaý alǵan «El úlesi páterge» qaıyrymdylyq aksııa aıasynda respýblıka boıynsha 74-shi páterdiń kiltin aımaǵymyzdaǵy muqtaj otbasyǵa tabys etti.
Budan keıin aıt namazyn oqýǵa kelgen jamaǵatqa arnalyp dastarqan jaıylyp, «arqan tartý», «gir kóterý», «qol kúres» sekildi sporttyq oıyn túrlerinen saıys ótkizildi.
Qyzylorda oblysy