Is-shara alańynda E. Kósherbaevtyń «Aurubis AG», «Hydro Aluminium GmbH», «Lhoist Rheinkalk GmbH», «DNV GL» jáne t.b. aldyńǵy qatarly nemis kompanııalarynyń basshylarymen kezdesýleri ótti. Paıdaly qazbalardy óndirý men qaıta óńdeý salalaryndaǵy nemis kompanııalary Qazaqstan men saýda-ekonomıkalyq jáne ınvestısııalyq yntymaqtastyqty damytýǵa múddeli ekenin habarlady.
Sondaı-aq is-sapar sheńberinde qazaqstandyq dıplomattyń elimizdiń aýmaǵynda birlesken jobalardy júzege asyrý men damytýǵa múddeli nemis kompanııalary basshylarynyń qatysýymen kezdesýler oryn aldy. Olardyń qatarynda Goldbeck Solar GmbH (fotoelektrli kún qondyrǵylaryn qurastyrý), ALMiG (avtomatty áýe sorǵylaryn jasap shyǵarý), Thalheimer Transformatorenwerke GmbH (barlyq modıfıkasııa transformatorlary), Bentec GmbH Drilling & Oilfield System (burǵylaý qondyrǵylary jáne munaı óndirisi qurylǵylaryn jasap shyǵarý) jáne t.b. kompanııalar boldy.
Germanııa ekonomıkasy Kúni alańynda Bavarııanyń Premer-Mınıstriniń Orynbasary – federaldy jeriniń ekonomıka, jer damýy jáne energetıka Mınıstri Hýbert Aıvangermen kezdesý ótip, onyń barysynda saýda-ekonomıkalyq jáne ınvestısııalyq yntymaqtastyq máseleleri talqylandy.
H. Aıvanger Qazaqstan men Bavarııa arasyndaǵy tikeleı ekonomıkalyq qatynastardy ornatýǵa qyzyǵýshylyq bildire otyryp, qazaqstandyq delegasııany jaqyn arada Mıýnhen qalasyna shaqyrdy.
Bavarııa iri ekonomıkalyq jáne ǵylymı áleýetke ıe jáne Germanııanyń 16 federaldyq jeriniń arasynda ekonomıkalyq ósý qarqyny boıynsha kóshbasshylardyń biri bolyp tabylady.