Bul týraly qalalyq aqparattyq-kommýnıkasııalyq ortalyqta ótken brıfıngte qalalyq jolaýshylar kóligi jáne avtomobıl joldary basqarmasynyń basshysy Qýatjan Jumataev aıtyp ótti.
Salalyq basqarma basshysynyń málimetinshe shaharda ótken jyly áleýmettik mańyzy bar jalpy 10 baǵyt boıynsha avtobýstar shalǵaıdaǵy shaǵynaýdandarǵa qatynaı bastaǵan. Atap ótsek, 55, 141, 142, 143, 144, 146, 147, 148, 149 jáne 150 baǵyttary kúndelikti qala turǵyndaryn tasymaldaýda.
Sondaı-aq, jyl basynan beri qalada 21 kólik kompanııasyna kemshilikterdi joıý jóninde 67 eskertý hat joldanǵan. Qýatjan Jumataevtyń aıtýynsha, qoǵamdyq kólik baǵyttarynyń jumysyn baqylaý maqsatynda kólik kompanııalarynyń ókilderimen birge reıdtik is-sharalar uıymdastyrylýda. 2019 jyldyń nátıjesinde talapty saqtamaǵan eki baǵytpen kelisim-shart buzylǵan.
Qaladaǵy qoǵamdyq kólikpen qatar kóshelerdiń sapasy da qatań qolǵa alynǵan. Búginde shaharda 33 shaqyrymdy quraıtyn 11 magıstraldy kóshede qurylys, qaıta qurý jáne ortasha jóndeý jumystary júrgizilýde. Bir jerústi ótkeliniń jáne 5 kópirdiń qurylysy jáne qaıta qurý jumystary atqarylýda.
Shymkent