Kezdesý barysynda qatysýshylar aldaǵy prezıdenttik saılaýǵa daıyndyqty talqylady. Qazaqstan halyqaralyq standarttarǵa sáıkes saılaýdy ashyq jáne adal ótkizýge úlken mán beretini atap ótildi. Qazaqstan Respýblıkasynyń saılaý zańnamasyna sáıkes halyqaralyq baqylaýshylardyń tıimdi jumysy úshin barlyq qajetti jaǵdaılar jasaldy.
Saılaý prosesiniń monıtorıngi úshin Ortalyq saılaý komıssııasymen birlesip birqatar memleketter men tıisti halyqaralyq uıymdardan halyqaralyq baqylaýshylar shaqyryldy. Halyqaralyq baqylaýshylardyń eń kóp sany TMD Mıssııasynan – Dostastyqtyń 8 memleketin bildiretin 432 baqylaýshy tirkelgen.
Syrtqy saıasat vedomstvosynyń basshysy aldaǵy saılaý sátti ótetinine jáne TMD mıssııasy tarapynan obektıvti baǵa beretinine senim bildirdi.
TMD baıqaýshylar mıssııasynyń jetekshisi S. Lebedev saılaýǵa sapaly daıyndyqty atap ótip, Dostastyq ókilderi Qazaqstannyń barlyq aımaqtarynda baıqaýshylar retinde jumys isteıtinin habarlady. «Bizdiń basty ustanymymyz memlekettiń ulttyq zańnamasyn qurmetteý jáne ishki isterge aralaspaý», - dedi TMD Atqarýshy hatshysy.
Taraptar sondaı-aq halyqaralyq jáne óńirlik kún tártibindegi, Dostastyq sheńberindegi yntymaqtastyqty odan ári damytý máseleleriniń keń aýqymyn talqylady.
Kezdesý sońynda SIM basshysy TMD baıqaýshylaryna aldaǵy saılaýda ótetin baıqaýǵa qatysqany úshin alǵys aıtyp, odan ári jemisti yntymaqtastyqqa senim bildirdi.