Almaty halyqaralyq áýejaıyna Flight 251 evakýasııalyq reısi qonyp, 167 Qazaqstan azamatyn elge oraldy, dep habarlaıdy Egemen.kz.
Jolaýshylardy áýejaıda týǵan-týystary men jaqyndary qarsy aldy. Almaty qalalyq óńirlik kommýnıkasııalar qyzmetiniń málimetinshe, bul reıs qazaqstandyqtar úshin jaı ǵana úıge oralý emes, memleket tarapynan azamattarǵa kórsetilgen qamqorlyq pen qoldaýdyń aıqyn belgisi boldy.
Elge oralǵan jolaýshylar evakýasııany uıymdastyryp, olardyń Otanǵa aman-esen jetýine jaǵdaı jasaǵany úshin el basshylyǵyna alǵys sózderin bildirdi.
Dýbaı qalasynan 306 jolaýshy elge oraldy
«Qıyn jaǵdaıda bizdi jalǵyz qaldyrmaǵany úshin memleketimizge rızamyz. Bizdi elge qaıtarýǵa kómektesken Prezıdentke jáne Syrtqy ister mınıstrliginiń qyzmetkerlerine rahmet. Bul biz úshin úlken qoldaý boldy», dedi elge oralǵan jolaýshylar.
Qazaqstandyqtardyń aıtýynsha, evakýasııa prosesi jedel ári úılesimdi uıymdastyrylǵan. Dıplomatııalyq qyzmet ókilderi azamattarmen turaqty baılanysta bolyp, qujattardy rásimdeýge kómektesip, ushýdy úılestirip otyrǵan.