Qazaqstan álemdik týrıstik reıtıngte óz ornyn jaqsartty, dep habarlaıdy Egemen.kz.
Dúnıejúzilik ekonomıkalyq forým jarııalaǵan ındeks boıynsha Qazaqstan 119 eldiń ishinde 66-orynnan 52-orynǵa kóterildi. Salalyq vedomstvonyń pikirinshe, bul – týrıstik ınfraqurylymdy damytý, qaýipsizdik deńgeıin arttyrý jáne týrıster úshin jaılylyqty jaqsartý baǵytynda júrgizilgen júıeli jumystyń nátıjesi.
О́tken jyly respýblıkaǵa shetelden shamamen 16 mıllıon týrıst kelgen. e‑Qonaq júıesiniń derekterine sáıkes, olardyń basym bóligi 30 ben 50 jas aralyǵyndaǵy shetel azamattary.
Qazaqstanǵa jıi keletin týrısterdiń negizgi elderi qatarynda Reseı, О́zbekstan, Qytaı, Úndistan, Germanııa jáne Ońtústik Koreıa bar. Sondaı-aq arab elderinen keletin týrıster sany da artyp keledi.
Aıta keteıik, 2025 jyldyń qorytyndysy boıynsha týrızm salasyna salynǵan ınvestısııa kólemi 1 trln 256 mlrd teńgeni qurap, 2024 jylmen salystyrǵanda 32 paıyzǵa artqan.
Halyqaralyq sarapshylar Almatynyń taý týrızmin damytýǵa qoldaý bildirdi