1 naýryzdan bastap elimizde gıdrologııalyq jaǵdaı men sý tasqyny qaýpi bar aýmaqtardyń jaı-kúıine turaqty monıtorıng júrgizilip otyr, dep habarlaıdy Egemen.kz.
Bul týraly Tótenshe jaǵdaılar mınıstri Shyńǵys Árinov málimdedi. Onyń aıtýynsha, elimiz boıynsha sý tasqyny bolýy múmkin 1242 eldi meken anyqtaldy.
Sý tasqyny kezeńinde yqtımal tótenshe jaǵdaılardy joıý jáne azamattardyń qaýipsizdigin qamtamasyz etý úshin jalpy sany 39 myń adamnan asatyn azamattyq qorǵaý qyzmetteriniń kúshteri men quraldarynyń respýblıkalyq jáne óńirlik toptary qurylǵan, sondaı-aq 18 myńnan astam tehnıka men arnaıy quraldar daıyndaldy.
Sý tasqyny qaýpi – basty nazarda
Barlyq qyzmetter joǵary jaýyngerlik daıyndyq rejımine keltirildi. Mınıstr ahýal kúrdelengen jaǵdaıda qajetti sheshimder dereý qabyldanady dep sendirdi.
Elimizdegi sý tasqyny qaýpi joǵary óńirler belgili boldy