Búgin Shymkent qalasynda Premer-Mınıstrdiń orynbasary – Mádenıet jáne aqparat mınıstri Aıda Balaeva Prezıdent Qasym-Jomart Toqaevtyń atynan mýzykalyq bilim berý salasynyń pedagogterine memlekettik nagradalar tapsyrdy, dep habarlaıdy Egemen.kz.
Marapattaý rásiminde Aıda Balaeva óner salasynyń ustazdary mádenı qundylyqtardy saqtap, keńinen nasıhattaýda, sondaı-aq óskeleń urpaqtyń shyǵarmashylyq áleýetin qalyptastyrýda aıryqsha ról atqaratynyn atap ótti.
Shymkentte Mádenıet jáne óner ýnıversıteti qurylady
Ulttyq qundylyqtardy dáripteýge jáne kúı ónerin keńinen nasıhattaýǵa baǵyttalǵan «Kúı kúmbiri» respýblıkalyq aksııasyn uıymdastyrý men ótkizýge qosqan úlesi úshin Prezıdent Jarlyǵymen tómendegi pedagogter marapattaldy:
– «Qurmet» ordenimen – Y.Altynsarın atyndaǵy №65 mektep-gımnazııasynyń mýzyka páni muǵalimi Gúlfaırýz Eljanova;
– «Eren eńbegi úshin» medalimen – №46 mektep-lıseıdiń mýzyka páni muǵalimi Erkejan Namazova;
– «Alǵys» gramotasymen – №58 jalpy orta bilim beretin mekteptiń mýzyka páni muǵalimi Gúlzıra Darjanova.