Seısenbi, 19 aqpan 2013 7:17
Eks-premerdi qaıtarýdy surady
Tájikstannyń bas prokýratýrasy resmı Kıevke eldiń burynǵy premer-mınıstri Abdýmalık Abdýllodjonovty ekstradısııalaýǵa qatysty qujattar joldady. Qujattarda eks-premerge taǵylǵan aıyptar kórsetilgen.
Seısenbi, 19 aqpan 2013 7:17
Eks-premerdi qaıtarýdy surady
Tájikstannyń bas prokýratýrasy resmı Kıevke eldiń burynǵy premer-mınıstri Abdýmalık Abdýllodjonovty ekstradısııalaýǵa qatysty qujattar joldady. Qujattarda eks-premerge taǵylǵan aıyptar kórsetilgen.
Halyqaralyq izdeý jarııalanǵan eks-premer 5 aqpanda Borıspol áýejaıynda ustalyp, sot sheshimimen 40 táýlikke qamaýǵa alynǵan bolatyn. Tájikstan burynǵy premerdi prezıdent Emomalı Rahmonǵa 1997 jyly qastandyq jasaýdy uıymdastyrdy dep aıyptaıdy. Sondaı-aq, oǵan 1998 jyly Sogdı oblysynda ondaǵan adam qaza tapqan tártipsizdikti uıymdastyrdy degen kiná taǵady. Onyń ústine ol premer bolǵan kezde asa iri kólemde memleket múlkin talan-tarajǵa salǵan degen kúdik keltiredi. Kezinde eks-premer prezıdenttik saılaýǵa qatysyp, qazirgi prezıdentten jeńilis tapqan edi.
«Shubarkól meteorıti» degen ataýǵa ıe boladyReseı ǵalymdary 15 aqpan kúni Chelıabi oblysyndaǵy Shubarkól kóliniń aýmaǵyna qulaǵan meteorıttiń qaldyqtaryn tapty. «Novostı» aqparat agenttiginiń habarlaýynsha, qaldyqtar Ýral federaldy ýnıversıtetiniń «Nanoteh» ǵylymı zerthanasyna tapsyrylǵan.Júrgizilgen taldaý-zertteý kórsetkenindeı, meteorıt kádimgi hondrıtter klasyna jatady, onyń quramynda 10 paıyzǵa jýyq temir bar. Ýnıversıtet ǵalymy Vıktor Gorohovskııdiń aıtýynsha, bul jańa meteorıt halyqaralyq katalogqa «Shubarkól meteorıti» degen ataýmen enýi múmkin. Reseılik mamandardyń jasaǵan boljamyna qaraǵanda, meteorıt atmosferaǵa saǵatyna 54 myń shaqyrym jyldamdyqpen kirip, jerden 30-50 shaqyrymdaı bıiktikte jarylǵan.
Prezıdenttik saılaý bastaldyKeshe Armenııada prezıdenttik saılaý bastaldy. Eldiń aýmaǵyndaǵy saılaý ýchaskesinde 1988 saılaýshy daýys berip jatyr. Bul jóninde «Interfaks» aqparat agenttigi habarlady.Eldiń saılaý zańnamalaryna sáıkes saılaýshylar tek el aýmaǵynda ǵana daýys berýleri tıis. Dıplomatııalyq mıssııalardyń qyzmetkerlerine jáne olardyń otbasylaryna elden tys jerlerde daýys berýge quqyq berilgen. Olardyń jalpy sany – 243 adam. Bular úshin elektrondy daýys berý uıymdastyrylǵan. Prezıdenttikke jeti kandıdat: eldiń qazirgi basshysy, Respýblıkalyq partııanyń tóraǵasy S.Sargsıan, «Bostandyq» partııasynyń jetekshisi G.Bagratıan, «Mıras» partııasynyń basshysy R.Ovonnısıan, Ulttyq ózin ózi aıqyndaý partııasynyń tóraǵasy P.Aırıkıan, Taýly Qarabaqtyń burynǵy syrtqy ister mınıstri A.Melıkıan jáne saıasattanýshy A.Gýkasıan bar.
37 beıbit turǵyn mert boldy«Assosheıted press» agenttiginiń habarlaýynsha, Baǵdadta bolǵan birneshe jarylys saldarynan 37 adam mert bolyp, 130-dan astam adam jaralanǵan. Jarylystar negizinen musylman shııtter basym qonystanǵan aýdanda jasalǵan.Jergilikti polısııa organdarynyń derekterine qaraǵanda, bul aýmaqta jarylǵysh zattar qoıylǵan bes avtokólik birinen soń biri jarylǵan. Polıseıler jarylǵysh qondyrǵylar ornatylǵan eki avtomashınany zalalsyzdandyryp úlgeripti. Qazirge jarylys jaýapkershiligin eshkim moınyna alǵan joq. Jarylysty súnnıt ekstremısteri jasady degen boljam aıtylýda.
Evkýrov otstavkaǵa ketýi múmkinIngýshetııa basshysy Iýnýs-Bek Evkýrov jaqynda otstavkaǵa ketýi múmkin. Reseılik keıbir aqparat agenttikteriniń jazýyna qaraǵanda, qazirgi kezde Kreml onyń ornyna adam izdestirip jatqan sııaqty. Onyń kim ekeni qupııa saqtalyp otyr.Jospar boıynsha Ingýshetııada saılaý osy jyldyń qyrkúıeginde ótýi tıis. Derek kózderi boıynsha Evkýrov Ingýshetııa úshin qatal basshy emes sııaqty. «Vedomostı» basylymynyń jazýynsha, respýblıkanyń jańa basshylyǵyna Mýrad Zıazıkov kelip qalýy yqtımal. Ol buǵan deıin de Ingýshetııaǵa basshylyq etken. Bıylǵy jyldyń qańtarynda Reseı prezıdenti Vladımır Pýtın Daǵystan respýblıkasynyń basshysy Magomedsalam Magomaevtyń otstavkasyn qabyldaǵan bolatyn.
Birinshi týrdyń nátıjesin shyǵardyKıpr jeksenbi kúni prezıdenttik saılaýdyń birinshi týrynyń nátıjesin shyǵardy. «Frans-press» agenttiginiń aqparattary boıynsha saılaýdyń ekinshi týryna DISI partııasynan usynylǵan kandıdat Nıkos Anastasıadıs pen AIEL kommýnıstik partııasynan kandıdat Stavros Malas shyqqan.Anastasıadıs saılaýshylar daýysynyń 45 paıyzyna, Malas 27 paıyzyna ıe bolǵan. Saılaý ýchaskesine saılaýshylardyń 83 paıyzy kelip, óz tańdaýlaryn jasapty. Prezıdenttik saılaýdyń ekinshi týry 24 aqpanda ótedi. Kıpr 2011 jyldan beri qarjy daǵdarysyn aıtarlyqtaı kórip keledi. Bul az bolǵandaı, ótken jyly iri reıtıngtik agenttikter Kıprdiń kredıttik reıtıngin birneshe satyǵa tómendetken bolatyn. Al saılaýshylar Nıkos Anastasıadısqa senim artatyn sııaqty.
Qysqa qaıyryp aıtqanda:* Túrkimenstanda saıası belsendiler A.Amanklychev pen S.Hadjıev bostandyqqa shyqty. Olar ózderiniń saıası kózqarastary úshin 2006 jyldan beri túrmede otyrǵan bolatyn.* Izraıl premer-mınıstri B.Netanıahý Sırııa bosqyndarynyń el aýmaǵynan tek tólqujatty kórsetý arqyly óte alatynyn málimdedi. Bul qaýipsizdik úshin qajet.* Bıylǵy jyly Reseıde mıllıarderler sany osy el tarıhynda rekordtyq kórsetkishke jetip, 131 adamdy qurady.* Jeksenbi kúni ótken prezıdenttik saılaýda Ekvador prezıdenti Rafael Korrea jeńiske jetip, ekinshi merzimge saılandy.
Internet materıaldary negizinde ázirlendi.