AQSh Qytaıdy aıyptap otyr

Beısenbi, 21 aqpan 2013 7:10

«Apple» korporasııasy óziniń ishki jelisine hakerlik shabýyl jasalǵanyn málimdedi. Shabýyl kezinde hakerler baǵdarlamalyq qamtamasyz etý qyzmetin paıdalanǵan. Atalǵan kompanııaǵa shabýyl osydan shamaly ýaqyt buryn jasalǵan basqa da amerıkalyq kompanııalarǵa shabýyldarmen baılanystyrylyp otyr.

Beısenbi, 21 aqpan 2013 7:10

«Apple» korporasııasy óziniń ishki jelisine hakerlik shabýyl jasalǵanyn málimdedi. Shabýyl kezinde hakerler baǵdarlamalyq qamtamasyz etý qyzmetin paıdalanǵan. Atalǵan kompanııaǵa shabýyl osydan shamaly ýaqyt buryn jasalǵan basqa da amerıkalyq kompanııalarǵa shabýyldarmen baılanystyrylyp otyr.

Amerıka Qurama Shtattary kıbershabýyldardyń kópshiligi AQSh kompanııalaryna baǵyttalyp otyrǵanyn habarlady. Shabýldaýshylar Qytaıdyń Shanhaı qalasynyń tóńiregindegi bazada ornalasqan sekildi. AQSh tarapy hakerlerdi Qytaıdyń ult-azattyq armııasymen baılanysy bolýy yqtımal ekenin kóldeneń tartady. О́ıtkeni, shabýyldar negizinen jańa tehnologııalarǵa baǵyttalyp otyrǵan kórinedi. Qytaı jaǵy ózderiniń kinásizdigin aıtyp, aqtalýda.

Jemqorlyq zardaby aıtarlyqtaı Reseıdegi jemqorlyq qylmystan kelgen shyǵyn ótken jyly 21 mıllıard rýbldi quraǵan. Bul týraly Memdýmadaǵy «Parlament saǵatynda» Reseıdiń bas prokýrory Iýrıı Chaıka málimdedi.Iý.Chaıkanyń aıtýynsha, 49 myńnan astam jemqorlyq áreketteri anyqtalsa, bul 2011 jylmen salystyrǵanda 25 paıyzǵa kóp. Mundaı qylmysqa barǵan adamdar sany da 13 paıyzǵa artqan. Al iri jáne asa iri shyǵyn ákelgen qylmystar sany budan da asyp, 80 paıyzdy quraǵan. Memlekettik tapsyrys salasynda bas prokýratýra bir jylda 83 myń zań buzýshylyqtardy anyqtasa, 343 qylmystyq is qozǵalǵan. Memdýmadaǵy otyrysqa qatysqan tergeý komıtetiniń basshysy Aleksandr Bastrykınniń sózine qaraǵanda, jemqorlyq baǵyttaǵy anyqtalǵan qylmystar sany aıtarlyqtaı ósip, 50 myńǵa jetken.

Áskerı qyzmetimen qosh aıtysty Amerıka generaly, NATO kúshteriniń Eýropadaǵy qolbasshylyǵyna burynǵy kandıdat Djon Allen áskerı qyzmetimen qosh aıtysty. Bul týraly AQSh prezıdenti Barak Obama habarlady. Aýǵanstandaǵy halyqaralyq kúshterdiń qolbasshylyǵy qyzmeti­nen ketken 60 jastaǵy general kezekti taǵaıyndaýǵa qatysty oılanýǵa ýaqyt berilýin suraǵan edi.General otstavkasynyń formaldi sebebi retinde Aýǵanstanda ótkizgen 19 aılyq qyzmetinen keıin onyń otbasymen bolǵysy kele­tini kóldeneń tartylady. Sonymen bir mezgilde, Dj.Allen óziniń otstavkasy qorǵanys mınıstrliginiń qyzmetkeri Djıll Kellı hanymmen hat jazysyp turǵanyna oraı tekserý bastalǵandyǵymen baılanys­ty bolýy yqtımal ekenin teriske shyǵardy. Al AQSh prezıdenti generaldyń kandıdatýrasyn NATO kúshteriniń Eýropadaǵy qol­­­bas­shylyǵy qyzmetine ótken jyldyń qazanynda usynǵan bolatyn.

Zergerlik dúkenin úptegender kim? Qarýly qylmyskerler Parıjdegi zergerlik dúkenine shabýyl jasap, quny 3 mıllıon eýro turatyn zergerlik buıymdardy úptep ketken. Tonaýshylar tapanshamen qarýlanypty jáne ózderi eki adam eken. Muny jergilikti polısııa ókilderi málimdedi.Tonaýshylar Fransııa astanasynyń ortalyǵyndaǵy «De Beers» kompanııasynyń býtıgin keshkisin shabýyldaǵan. Qymbat buıymdardy eki sóreden urlap, ǵımaratty jasyryn esik arqyly tastap shyqqan. Tonaý barysynda qylmyskerler qarý jumsamaǵan, sondyqtan zardap shekken eshkim joq. Atalǵan kompanııa almastar men gaýhar tastar óndirip satýdan álemdik kóshbasshylardyń biri bolyp tabylady. Korporasııanyń Afrıkadaǵy kenishterinde búkil álemdegi almastardyń 40 paıyzy óndiriledi.

Bolgarııa úkimeti otstavkaǵa kettiBolgarııa premer-mınıstri Boıko Borısov óz úkimetiniń otstavkaǵa ketetinin málimdedi. Ol málimdemesin elektr qýatyna joǵary baǵa týyndatqan kóp kúndik narazylyq aksııalary barysynda jasady. Jáne de ótpeli kabınette de qalmaıtynyn jarııa etti.Narazylyq aksııalary birneshe kúnnen beri el astanasy Sofııada jáne eldiń basqa da birqatar qalalarynda ótip jatyr. Demonstranttar elektr qýatyna baǵany tómendetýmen qatar, B.Borısovtyń otstavkasyn da talap etken bolatyn. Al otstavkasynyń aldynda ol elektr qýatyna baǵany tómendetýge ýáde bergen edi. Eýroodaqtaǵy eń kedeı el sanalatyn Bolgarııada elektr qýatyna tarıf eki eseden astamǵa ósirilgen bolatyn. Eldegi zeınetaqynyń ortasha kólemi 138 eýrony qurasa, elektr qýatynyń quny odan da asyp ketken.

Pırattar alty teńizshini urladyTeńiz qaraqshylary Nıgerııa jaǵalaýlarynda alty teńizshini – bir reseılikti, eki ýkraınalyqty jáne eki Úndistan azamatyn urlap ketken. Bul týraly Afrıka elderi qaýipsizdik qyzmetiniń derek kózderine silteme jasaı otyryp, «Reıter» agenttigi habarlady. Teńizshiler urlanǵan keme Malaızııa kompanııasynyń ıeliginde jumys isteıdi eken.Jalpy, Nıgerııa jaǵalaýlarynda sońǵy kezderi munaı óndirý belsendi júrgizilse, kemelerge shabýyl jasap, adam urlaý úderisteri de jıileı túsken. Teńiz qaraqshylary ózderi urlaǵan teńizshiler úshin aqsha talap etedi. Teńizdegi osyndaı shabýyldar sońǵy ret aqpannyń 7-si jáne 10-y kúnderi jasalǵan eken. Qaraqshylar urlanǵandardy keıin bosatyp jiberedi. Biraq tólem alǵan-almaǵandaryn aıtpaıdy.

Qysqa qaıyryp aıtqanda:

*Reseıdiń Mýrmansk oblystyq dýmasynyń depýtaty Dmıtrıı Gavrıkovqa izdeý jarııalandy. Oǵan turǵyn úı-kommýnaldyq sha­rýa­shylyǵy men energetıka salasynda 1,5 mıllıard rýbl urlady de­gen kúdik keltirilip otyr. Iske qatysy bar dep sheshilgen, attary atalmaıtyn eki adam ustalǵan.* Máskeýde tájik oppozısıoneri, saıasattanýshy Bahtıer Sattorıge shabýyl jasalǵan. Ol buryn Tájikstan mıgrasııa qyzmetiniń ókildiginde baspasóz hatshysy bolyp jumys istegen. Bul qyzmetinen ketkennen keıin Máskeýde turatyn tájik oppozısııashylarynyń qataryna qosylǵan. B.Sattorıge 18 jerden pyshaq salynypty. Jaǵdaıy óte aýyr kórinedi.* Áskerı qyzmetshiler 2013-2015 jyldar aralyǵynda engiziletin Reseı armııasynyń jańa formasyn synǵa aldy. Qoǵamdyq palata júrgizgen suraý salýlar negizinde 200 sarapshy birneshe áskerı bólimderde bolyp, áskerılerdiń jańa formaǵa kóńilderi tolmaıtynyn anyqtaǵan. Olardyń pikirlerinshe, formany jasaýshylar materıaldan únemdegen.

Internet materıaldary negizinde ázirlendi.