Qaraǵandylyq bylǵary qolǵap sheberi Abylaıhan Júsipov Atyraý qalasynda ótken halyq batyrlary Isataı Taımanov pen Mahambet О́temisovti eske túsirýge arnalǵan halyqaralyq týrnırde top jardy.
AIBA kúntizbesindegi «A» sanatyna enetin boks dodasyna Reseı, О́zbekstan, Qyrǵyzstan, Tájikstan, Ázerbaıjan, Túrkimenstan jáne Qazaqstannan 100-ge jýyq sportshy qatysyp, júldelerdi sarapqa saldy.
Osy týrnırde Ulttyq qurama komandanyń múshesi Abylaıhan Júsipov 69 kılo salmaq dárejesinde óner kórsetip, altyn medaldi jeńip aldy. Munyń aldynda ol Sofııada ótken iri týrnırde kúmis júldege ıe bolǵan edi.
Aıta ketý kerek, A.Júsipov 2020 jyly Tokıoda ótetin Olımpııa oıyndaryna qatysýǵa quqyq beretin joldamadan úmitker boksshynyń biri.