Ońtústik Afrıkadaǵy eń kóne jáne eń iri kınofestıvalderdiń birinen sanalatyn Durban IFF kıno báıgesine álemniń túkpir-túkpirinen 180-nen astam fılm usynylyp otyr. Sondaı-aq festıval sheńberinde óner taqyryby men kıno bıznesine arnalǵan túrli semınarlar men dóńgelek ústelder de uıymdastyrylmaq.
«Talan» kartınasynda tanymal qazaqstandyq rejısser Bolat Qalymbetov qıyn-qystaý jyldarda bir-birinen ajyrap qalǵan aǵaıyndy eki baýyrdyń tarıhyn ulttyq kıno tilimen shynaıy baıandaıdy. Baýyrlar birneshe jyldan keıin kútpegen jerden kezdesedi. Adamdar arasyndaǵy baýyrmaldyq pen meıirimdi, adamnan da, qoǵamnan da alystap, joıylyp bara jatqan izgi qundylyqtardy dáripteıtin fılmniń mazmuny tereń, aıtar oıy qatparly.
Esterińizge sala keteıik, ótken jyly «Talan» fılmi Sháken Aımanovtyń 14-halyqaralyq kınofestıvalinde «úzdik rejısserlik jumys» dep tanylǵan bolatyn. Sondaı-aq, osy festıvalde tarıhı kartına «El Arna» telearnasynyń «El Arna tańdaýy» dıplomyna ıe boldy.
ALMATY