Depýtattar qaraýyna Palatanyń aldaǵy jalpy otyrysynyń kún tártibinde turǵyn úı-kommýnaldyq sharýashylyq máseleleri boıynsha zańnamalyq túzetýler ekinshi oqylymda qaraý usynylady.
Zań jobasy atap aıtqanda, kondomıınıým obektilerin basqarý jáne kútip-ustaý boıynsha qyzmetti, ony resimdeý tártibin, ortaq múlikti kúrdeli jóndeý úshin aqsha qarajatyn jınaýǵa, osy prosesterge menshik ıeleriniń ózderiniń qatysýyn, onyń ishinde jergilikti atqarýshy organdardyń turǵyn úı ınspeksııasyn tartý jáne turǵyn-úı kommýnaldyq sharýashylyq salasynyń biryńǵaı memlekettik aqparattyq júıesin qurý múmkindigin, sondaı-aq, turǵyn-úı sharýashylyǵy salasyndaǵy qoldanystaǵy zańnamadaǵy olqylyqtar men kollızııalardy joıýǵa baǵyttalǵan.
Sonymen qatar, depýtattar Qazaqstan Úkimeti men Eýropalyq ıadrolyq zertteýler jónindegi uıym (CERN) arasyndaǵy ǵylymı-tehnıkalyq yntymaqtastyqqa qatysty halyqaralyq yntymaqtastyq týraly kelisimdi ratıfıkasııalaý týraly zań jobasyn qaraıdy dep kútilýde.
Bıýro otyrysynyń kún tártibinde lotereıalar jáne lotereıa qyzmeti máseleleri jáne kóshi-qon prosesterin retteý máseleleri boıynsha ózgerister men tolyqtyrýlar engizý týraly zań jobalaryn, sondaı-aq, Eýrazııalyq ekonomıkalyq odaqqa múshe memleketterdiń qarjy naryǵy salasyndaǵy zańnamasyn úılestirý týraly kelisimdi ratıfıkasııalaý týraly zań jobasyn jumysqa alý kózdelýde.