Mınıstr QR Tuńǵysh Prezıdenti - Elbasy N.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda QR Mádenıet jáne sport mınıstrliginiń qoldaýymen salynyp jatqan Otyrar qalajurty sapar ortalyǵynyń qurylys jumystaryn kórdi. Jalpy aýdanymyzdaǵy Sapar ortalyǵyn salýdaǵy basty maqsat Otyrar oazısiniń mádenı murasyn elimiz ben shet elderde nasıhattaý, Otyrar qoryq-mýzeıiniń terrıtorııasynda ornalasqan tarıhı-mádenı mura nysandaryn qorǵaý jáne olardyń saqtalýyn qamtamasyz etý, sonymen qatar, týrızm salasynyń zamanaýı talaptaryna saı týrıstik ortalyq qalyptastyrý bolyp tabylady. Elbasymyz óziniń «Uly dalanyń jeti qyry» atty maqalasynda «Ejelgi Otyrar qalasynyń birqatar nysandaryn – úıleri men kóshelerin, qoǵamdyq oryndaryn, sý qubyrlaryn, qala qamalynyń qabyrǵalary men taǵy da basqa jerlerin ishinara qalpyna keltiretin týrıstik joba da qyzyqty bolmaq. Osynyń negizinde bilimdi dáripteýge jáne týrızmdi damytýǵa basa mán berilýi qajet», - dep erekshe atap ótken bolatyn. Osynyń negizinde salynyp jatqan nysan mınıstrlik tarapynan Otyrar aýdanyndaǵy týrızmdi damytý baǵytynda jasalǵan aýqymdy isterdiń bastaýy bolmaq. Aldaǵy ýaqytta jergilikti ádimdik tarapynan da abattandyrý jumystary júrgizilip, ekijaqty sharalardyń nátıjesinde Otyrarda zamanaýı týrızm klasteri qalyptasady dep kútilýde. Bul týraly Arystanbab jáne Otyrartóbe qalajurty mańyndaǵy abattandyrý jumystarynyń jobasymen tanystyrǵan aýdan basshysy Erlan Qýanyshuly ıgilikti istiń túpki maqsatyna jan-jaqty toqtalyp ótti. Otyrar memlekettik arheologııalyq qoryq-mýzeıiniń dırektory Ersin Tájibaev Sapar ortalyǵynda atqarylǵan jumystar boıynsha málimdedi.
Sondaı-aq Túrkistan oblysynyń ákimi О́mirzaq Estaıulynyń tikeleı qoldaýymen aýdanymyzdaǵy týrıstik marshrýt boıyna abattandyrý, kógaldandyrý, jaryqtandyrý, aıaq jol men velo joldar, skverler men saıabaqtar jáne oıyn alańdaryn salynatyndyǵyn erekshe atap ótti. Batyrlyq pen qaısarlyqtyń jarqyn úlgisi bolǵan Otyrar tóbedegi arheologııalyq, týrıstik nysandarmen jan-jaqty tanysqan Arystanbek Muhamedıuly Arystanbab kesenesine zııarat jasap, odan ári oblys ortalyǵy Túrkistan qalasyna attanyp ketti