Yntymaǵy jarasqan eldiń yrysy mol

Otyrysqa Bilim jáne ǵylym, Máde­nıet jáne sport, Aqparat jáne qoǵamdyq damý mınıstrlikteriniń ókilderi, QHA men Ǵylymı-sarap­tamalyq keńes músheleri, óńir­lerdiń ǵylymı-saraptamalyq toptary­nyń basshylary, JOO rektorlary, Assambleıa kafedralarynyń meńgerý­shileri jáne jastar uıymdarynyń ókilderi qatysty.

Alqaly jıynda Qazaqstan halqy Assambleıasy Tóraǵasynyń orynbasary Janseıit Túımebaev Memleket basshysy Qasym-Jomart Toqaevtyń saılaýaldy baǵdarlamasynda kórse­til­gen negizgi baǵyttarǵa toqtalyp, qoǵam­dyq birlik pen ishki saıası turaq­tylyqty saqtaý men ultaralyq qaty­nastardy retteýdiń tıimdi tetikteri týraly sóz qozǵady.

– Búgingi tańda Qazaqstan halqy Assambleıasy saıası turaqtylyqtyń, etnosaralyq jáne konfessııaaralyq kelisimniń, el tynyshtyǵy men birliginiń uıytqysy bolyp otyr. Tek yntymaǵy jarasqan eldiń ǵana yrysy men tabysy mol bolmaq. Assambleıa qoǵamdaǵy túrli ózgeristerge, ýaqyt talabyna sáıkes jumys isteýi tıis. Bul baǵytta jańa tásilder men ádister qajet. Ǵylymı-saraptamalyq keńestiń basty mindeti osy dep bilemin. Atalǵan keńes aldymen qoǵamdaǵy prosesterdi tereń uǵynyp, jańa trendter men syn-qaterlerdi anyqtaý kerek. Ol úshin naqty praktıkalyq usynystardy ázirlep, saıası jaǵdaılarǵa boljam jasaý mańyzdy. Ekinshiden, ǵalymdar men sarapshylardyń qoǵamdyq-saıası alańyn qurý kerek. Resmı baspasóz betterinde ǵana emes, áleýmettik jelilerde de anyq ári uǵynyqty túsindirý jumystaryn júrgizý mańyzdy, – dedi J.Túımebaev.

Keleli keńes barysynda QHA Ǵylymı-saraptamalyq keńesi­niń tóraıymy, áleýmettaný ǵylymda­rynyń doktory Aıgúl Sádýaqasova qazirgi kezdegi Qazaqstan halqynyń biregeıligi men birligi: damý úrdisteri taqyrybynda baıandama jasady. Al «Ekonomıkalyq zertteýler ınstıtýty» AQ basqarma tóraǵasynyń orynbasary, ekonomıka ǵylymdarynyń doktory Shaharbaný Jaqypova qoǵamnyń etnoáleýmettik qurylymy týraly egjeı-tegjeıli aıtyp berdi.

Quramynda 52 ǵalym bar Ǵylymı-saraptamalyq keńestiń maqsaty – qoǵamdy alaýyzdyqtan saqtaý, halyq sanasyna demokratııalyq qundylyqtardyń dánin egý, jas­tardy otansúıgishtikke tárbıelep, etnosaralyq qatynastardy nyǵaıtý. Jınalǵan qaýym osy baǵytta at­qarylatyn jumystardy jan-jaq­ty talqylap, ortaǵa óz pikirlerin tas­tady.