Arystaǵy jaǵdaı bir qalanyń turǵyndaryn ǵana emes tutas eldiń qabyrǵasyn qaıystyryp jiberdi. Jaǵdaı turaqtalyp keledi dep dátke qýat etkenimen óz úıine orala almaı otyrǵan qala turǵyndaryna kómek áli de kerek. Sondyqtan da «Nur Otan» partııasy Qyzylorda oblystyq fılıaly janyndaǵy «Jas Otan» JQ-nyń 20-ǵa jýyq eriktileri qol ushyn berýge Shymkent qalasyna keldi.
Olar «Nur Otan» partııasy oblystyq fılıalyndaǵy qabyldaý beketine syrboıylyq azamattardyń, sonyń ishinde jas kásipkerlerdiń qoldaýymen jınaqtalǵan azyq-túlik, kıim keshek, kórpe jastyq, gıgıenalyq zattardy ózderimen birge apardy.
Halqymyzda «qaıǵy bólisse azaıady» degen qanatty sóz bar. Qamyqqan jurttyń jarasy jazylý úshin áli biraz ýaqyt kerek. Olar adamdar tarapynan meıirimdilikke muqtaj. Qyzylordalyq jastar osy olqylyqtyń ornyn toltyrý úshin baba saltymen kómek bermek.