Qazaqstandyq boksshy Sadrıddın Ahmedov kásibı mansabynda toǵyzynshy jekpe-jegin ótkizdi. Bul týraly Sports.kz habarlady.
Tetfor Mınde (Kanada) ótken boks keshinde 21 jastaǵy qazaqstandyq boksshy rıngte meksıkalyq Danıel Vega Kotamen (14-3-1, 11 KO) kezdesti. Oıynnyń 90 sekýndynda Sadrıddın qarsylasyn tehnıkalyq nokaýtpen jeńdi. Bul Ahmedovtiń kásipqoı rıngtegi toǵyzynshy jeńisi, sonyń ishinde segizin merziminen buryn aıaqtaǵan. Al Kota mansabynda tórtinshi ret jeńildi.
Eske sala keteıik, Sadrıddın Ahmedov áýesqoı boksta jastar arasyndaǵy Álem chempıony ataǵyn jeńip alǵan. Kásipqoı boksta eki tıtýl - birinshi orta salmaqtaǵy WBC «jastar» belbeýin jáne osy dıvızıonda WBC Asia belbeýin ıelendi.