Kaýash Hıshamnyń áleýmettik jelilerde jarııalanǵan beıne úndeýinde aıtylǵandaı, ol Teńiz vahtalyq qalashyǵyndaǵy SSER kompanııasynyń qyzmetkerleri arasyndaǵy janjal týraly bilgen boıda, jaǵdaıdy retteý úshin Atyraý oblysyna kelgen.
- Men Elı Daýdtyń is-áreketi úshin barlyǵynan keshirim suraǵym keledi. SSS basshylyǵy men qyzmetkerleriniń atynan bul SSS-diń saıasatyna, qundylyqtary men qaǵıdattaryna sáıkes kelmeıtin keleńsiz oqıǵa bolǵanyn aıtqym keledi.
Men osy oqıǵa týraly bilgennen keıin onymen aradaǵy kelisim-shart buzylyp, jumystan bosatyldy.
Biz osy jaǵdaıǵa qatysty tolyq ishki tergeý jumystaryn júrgizip, qajetti sharalardy qabyldaıtyn bolamyz. Qolymdy júregime qoıyp, SSS-diń baýyrlas qazaqtarǵa erekshe qurmetpen qaraıtynyn aıtqym keledi. Men bolǵan jáıt úshin taǵy da keshirim suraımyn. Osy oqıǵa týraly estigen boıda dereý Atyraýǵa jaǵdaıdy retteý úshin ushyp shyqtym. Búgingi tańda Teńizdegi jaǵdaı turaqty, ólim-jitim, aýyr dene jaraqattary bolǵan joq, - dedi Kaýash Hısham óziniń beıne úndeýinde.
Eske salsaq, 29 maýsym kúni Teńiz kenishinde atalǵan kompanııa jumysshylary narazylyqqa shyǵyp, 30 adam dene jaraqatyn alǵan bolatyn. Qazir vedomstvoaralyq komıssııa oqıǵanyń mán-jaıyn anyqtap jatyr.
Atyraý