Sársenbi, 23 qańtar 2013 7:16
Osydan birneshe jyl buryn qoınaýy malǵa, qazynasy munaı men gazǵa toly Zaısan óńirindegi tabıǵat baılyǵyn kádege jaratý qolǵa alynǵan bolatyn. Zaısannyń gazyn aýdannyń 24 eldi mekenderi tutynyp qana qoımaı, keleshekte kórshi Tarbaǵataı aýdanynyń jáne Qytaıdyń eldi mekenderi de tutynbaq.
Sársenbi, 23 qańtar 2013 7:16
Osydan birneshe jyl buryn qoınaýy malǵa, qazynasy munaı men gazǵa toly Zaısan óńirindegi tabıǵat baılyǵyn kádege jaratý qolǵa alynǵan bolatyn. Zaısannyń gazyn aýdannyń 24 eldi mekenderi tutynyp qana qoımaı, keleshekte kórshi Tarbaǵataı aýdanynyń jáne Qytaıdyń eldi mekenderi de tutynbaq.
– Gaz qory aldyn-ala zertteýler boıynsha uzaq jyldarǵa jetpek. Al Zaısannyń munaıyn tipti Keńes Odaǵy kezinde bashqurttar ıgermekshi bolyp, qara altynnyń qory mol ekenine kóz jetkizgen. Alaıda, sońynan naryq kelip kıligip, ol júzege aspaı qalǵan. Qazir munaıdy zerttep jatyr. Al gazdyń sapasy jaqsy, amanshylyq bolsa, ony ıgerýge Qytaı jaǵy 210 mıllıon AQSh dollaryn salmaq. Al B.Elamanov basqaratyn «Tarbaǵataı Munaı» JShS munaıdy ıgere bastamaq. Qazirgi boljam boıynsha Zaısanda 5 mıllıard 200 mıllıon tekshe metr gaz qory anyqtalyp otyr. Jaqynda Úkimet basshysy Serik Ahmetov issaparmen Kendi Altaıǵa kelgen kezde óńir basshysy B.Saparbaev «О́skemen-Zyrıan-Maıqapshaǵaı» temir jolyn salýǵa kómek kórsetý jóninde usynysyn jetkizdi. Eger bul joba iske asa qalsa Qytaı arqyly Azııa barysy elderine Qazaqstannyń óz ónimderin jóneltýge múmkindik týar edi, – deıdi Zaısan aýdanynyń ákimi Serik Zaınýldın.Sonymen Zaısan gazyn paıdalaný bastalyp ta ketti. О́tken sársenbide «Tarbaǵataı-Munaı» kompanııasynyń májilis zalynda Zaısan óńirinde shoǵyrlanǵan tabıǵı gaz qoryn paıdaǵa jaratý maqsatynda úlken jıyn ótti. Ony oblys ákiminiń orynbasary Aıtqazy Sherýbaev ótkizdi.Alqaly jıynda Munaı jáne gaz mınıstrligi gaz ónerkásibin damytý departamentiniń dırektory S.Brekeshov, «QazTransGaz» AQ-tyń táýelsiz dırektory, «KATEK» JShS dırektory, jergilikti jerdegi munaıdy óndiretin fırma basshylary, Zaısan aýdanynyń ákimi sóz alyp, gazdy paıdalanýdy jedeldetý jóninde pikirlerin ortaǵa saldy. Munyń aldynda Qazaqstan men Qytaı shekarasynda gaz qubyryn túıistirý júzege asqan bolatyn. Endigi másele gazdy óndirý. Sonymen birge aýdan ortalyǵy men 24 eldi mekenge gaz qubyryn tartýdy jedeldetý qajettigi de qozǵaldy.Ońdasyn ELÝBAI,«Egemen Qazaqstan». Shyǵys Qazaqstan oblysy,Zaısan aýdany.