– Oblys óńirinde Bı-aǵanyń atymen 22 kóshe, 4 mektep, 1 aýyl, 1 stansa jáne 1 mýzeı atalady. Beıimbet Maılınniń týǵanyna 125 jyl tolýy qarsańynda bıyl 24 maýsymda Prezıdent Qasym-Jomart Toqaev Taran aýdanyn Beıimbet Maılın esimimen ataý týraly Jarlyqqa qol qoıdy. Bı-aǵanyń mereıtoıyna oraı oblysta kóptegen shara belgilengen, músháıra sol toıdyń basy dep bilińizder, – dedi Gúljan Ermashqyzy.
О́tken ǵasyrdyń basyndaǵy qazaq ádebıetinde Bı-aǵa qalam tartpaǵan janr kemde-kem. Sondyqtan Bı-aǵanyń toıyn jyr báıgesiniń bastaýy deý zańdy da edi. Músháıraǵa túsken 30 jumystan iriktelip, Jambyl, Aqtóbe, Almaty, Batys Qazaqstan, Pavlodar, Túrkistan, Qostanaı oblystarynan, Nur-Sultan qalasynan 12 aqyn qatysty.
Jyr dese isher asyn jerge qoıyp, sýsap otyratyn qostanaılyqtar on eki jas aqynnyń óleńin tyńdady. Aqyndar Uly dala perzentteri, Bı-aǵa ańsaǵan táýelsizdik, ulttyń uly muralary men murattaryn óleń órnegine aınaldyra bilipti. Júırikten júırik ozý – báıgeniń salty. Jazýshy Ǵumar Ahmetchın bastaǵan qazylar alqasynyń sheshimimen úshinshi oryndy Nur-Sultan qalasynan kelgen Juldyzaı Ysqaqovaǵa, ekinshi oryndy aqtóbelik Gúlimaı Qýanyshevaǵa, birinshi oryndy Rýdnyı qalasynan qatysqan Ǵalymkereı Kenjebozınge berdi. Al músháıranyń bas júldesin Nur-Sultan qalasynan kelgen aqyn Ábilmájin Serikbaı jeńip aldy. Sonymen qatar músháıraǵa Lısakov qalasynan Beıimbet Maılın týraly óleńin joldaǵan 84 jastaǵy Mór Tileýbaeva qarııaǵa da qurmet kórsetildi.
Beıimbet Maılınniń urpaqtary, jıen nemereleri Dámeter Seıitjanova, Saltanat Mustafına músháıranyń qonaǵy boldy. Aqyndar men Bı-aǵanyń nemere, shóbere, shópshekteri onyń kindik qany tamǵan Beıimbet aýdanyna, Jalshy aýylyna baryp, ata rýhyna taǵzym etti. Músháıra sońynda sóz alǵan jazýshy Ǵumar Ahmetchın Bı-aǵa rýhyn ulyqtaýda eskeriler másele de joq emes ekenin aıtty.
– Táýelsizdik alǵan 28 jyl ishinde elimizge belgili Bı-aǵanyń shyǵarmalaryna qanyq adamdardyń barlyǵy da onyń esimi Taran aýdanyna berilse eken degen nıette edi, onyń qabyl bolǵanyna shúkirlik etemiz. Qostanaıda Beıimbet Maılınniń mýzeıin ashý týraly hatqa budan biraz jyl buryn halqymyzdyń iri tulǵalary, zııalylary: Muzafar Álimbaev, Zeınolla Qabdolov, Ábdijámil Nurpeıisov, Serik Qırabaev, Tursynbek Kákishev, Tumanbaı Moldaǵalıev, О́mirzaq Sultanǵazın, Keńes Nurpeıisov, Gerold Belger, Sherııazdan Eleýkenov, Jumaǵalı Ysmaǵulov, Ǵabbas Qabyshev qol qoıǵan. Gerold aǵamyz orys tilinde jazǵan «Bı-aǵanyń ómiri men qyzmeti týraly» degen maqalasynda: «Bı aǵanyń týǵan jerinde, Qostanaıda onyń mýzeıi joq. Al Taran aýdanyndaǵy men kórgen mýzeıdi mýzeı dep aıtý qıyn. Kesh bolmaı turǵanda ádilettilikti ornyna keltirý bizdiń Prezıdentimiz bastaǵan, Úkimetimiz jasap, qabyldaǵan «Mádenı mura» baǵdarlamasynyń júzege asý kórinisiniń biri bolar edi. Qostanaıǵa mýzeı kerek, áıtpese ol bizdiń tarıhymyzǵa, ulttyq rýhanı muramyz jáne qazaq halqynyń dańqty uldarynyń biri Beıimbetke degen qurmettiń joqtyǵy bolady» dep jazǵan eken. Gerold Belgerden asyryp aıta almaımyz. Bı-aǵanyń bıylǵy mereıtoıy jyly osy tilek júzege assa quba-qup bolar edi, – dedi Ǵumar Ǵarıfuly.
Bul kemniń orny tolsa, rýhanı dúnıemiz de tolyǵa bermek te.
QOSTANAI