Kóktemniń alǵashqy aıynda Qazaqstanda eki memlekettik mereke qatar atalyp ótedi – Halyqaralyq áıelder kúni jáne Naýryz meıramy. 2026 jyldyń naýryz aıynda mereke jáne demalys kúnderin qosa eseptegende el azamattary 13 kún demalady, dep habarlaıdy Egemen.kz.
Elimizde 8 naýryz – Halyqaralyq áıelder kúni men Naýryz meıramy memlekettik mereke bolyp sanalady. «Qazaqstan Respýblıkasyndaǵy merekeler týraly zań» talaptaryna sáıkes, memlekettik mereke kúnderi demalys bolyp esepteledi.
2026 jyly 8 naýryz jeksenbige sáıkes kelgendikten, bul demalys kúni 9 naýryzǵa aýystyrylady.
Naýryz meıramy 21-23 naýryz aralyǵynda toılanady. 21 jáne 22 naýryz demalys kúnderine (senbi – jeksenbi) sáıkes kelgendikten, qosymsha demalys kúnderi keıingi jumys kúnderine aýysyp, qazaqstandyqtar 21-25 naýryz aralyǵynda uzaq demalysqa shyǵady.
Naýryz aıynda aýa raıy qandaı bolady?
Beskúndik jumys aptasynda naýryz aıynda 13 demalys jáne 18 jumys kúni bolsa, al altykúndik jumys aptasynda 9 demalys jáne 22 jumys kúni bolady.
Aıta ketý kerek, naýryz aıynda basqa da kásibı merekeler bar. Jumys kúnderine qaramastan, bul merekeler tıisti sala mamandaryna quttyqtaý bildirý arqyly atap ótiledi.
Kóktemgi kanıkýl: Oqýshylar neshe kún demalady?
Kásibı merekeler tizimi Qazaqstan Respýblıkasynyń Eńbek jáne halyqty áleýmettik qorǵaý mınıstrligi bekitken №480 buıryqtyń (17.11.2023 j.) redaksııasyna sáıkes jarııalanady.