Konstıtýsııa – elimizdiń zańnamalyq negizi. Ol ýaqyt talabyna saı ózgerip otyrýǵa tıis. Bul týraly Atyraý oblystyq alqasynyń advokaty Nurlan Jolbolov aıtty, dep habarlaıdy Egemen.kz.
«Biz otyz jyldan beri qoldanystaǵy Konstıtýsııamen ómir súrip kelemiz. Oǵan kóptegen ózgeris engizilgeni sondaı, ol qazir jamaýy kóp qujatqa aınaldy. Al qazir usynylyp otyrǵan jańa joba – qoldanystaǵy Ata zań sekildi qurama mátin emes, birtutas júıeli qujat. Memleket te, qoǵam da, álem de ózgerdi. Búkil dúnıe sıfrlyq dáýirge aıaq basyp jatyr. Osy turǵyda Konstıtýsııanyń jańarǵany da durys bastama», dedi ol.
Qazaqstanda jańa Konstıtýsııany qoldaýǵa arnalǵan aýqymdy aqparattyq naýqannyń jańa tolqyny bastaldy
Zańgerdiń aıtýynsha, qazirgi Negizgi zań memleketke baǵdarlanǵan qujat bolsa, jańa joba adamǵa baǵdarlanýymen erekshelenedi. Munda adam quqyqtary men bostandyqtary basty nazarǵa alynǵan.
«Jańa joba sot júıesin kúsheıtedi. Konstıtýsııa tek ádemi qujat qana bolmaýy kerek. Ol adamdy qorǵaıtyn jumys quraly bolýǵa tıis. Sonyń bir quraly – advokatýra. Meni advokat retinde qýantqany – osy sala týraly normanyń Negizgi zańǵa engizilgeni», dep atap ótti ol.
Halyqtyq Konstıtýsııany qoldaý koalısııasy Ertis óńiri turǵyndarymen kezdesti
Sondaı-aq N. Jolbolov damyǵan memleket jańarýdan qoryqpaýy kerek ekenin tilge tıek etti. Onyń pikirinshe, Konstıtýsııa – memleket pen adam arasyndaǵy qoǵamdyq kelisimshart.
«Osyǵan oraı alda bolatyn mańyzdy is-sharadan azamattarymyz shet qalmaýy kerek. Referendýmǵa qatysyp, óz tańdaýymyzdy jasaýymyz kerek. Men zańger retinde jańa Konstıtýsııa jobasyn qoldaımyn. 15 naýryzda sizderdi de daýys berýge shaqyramyn», dedi ol.
Sonymen birge Sý resýrstary jáne ırrıgasııa mınıstrligi «Sý resýrstary jónindegi aqparattyq-taldaý ortalyǵy» KeAQ kompleans-ofıseri Qanat Musaparbekov te jańa Konstıtýsııa jobasyna qatysty pikirin bildirip, 15 naýryzda el taǵdyry tarazyǵa túsetinin aıtty.
Qostanaılyq sarapshylar jańa Konstıtýsııa jobasyn qoldady
«Bul tek daýys berip qana qoıatyn kún emes, bul – urpaǵymyzdyń bolashaǵy úshin qabyldanatyn tarıhı sheshim. Ata zań – táýelsizdigimizdiń tuǵyry, memleketimizdiń myzǵymas negizi. Ol ár azamattyń quqyǵy men bostandyǵyn aıqyndaıdy, ádiletti qoǵam qurýdyń berik kepili bolady. Jańa ózgerister jańarý men damý jolyndaǵy batyl qadam. Sondyqtan aldaǵy referendým – barshamyzǵa ortaq jaýapkershilik», dep atap ótti ol.