Suranysqa saı kúnbaǵys maıy

Senbi, 16 aqpan 2013 8:07

Dúkenderde kúndelikti kórip júrgenimizdeı kúnbaǵys maıynyń túr-túri tolyp tur. Tańdaý – ózińizde. Jalpy, oblystyń turaq­tan­dyrý qoryna kúnbaǵys maıy Oral qalasynan jetkiziledi. Ob­lys­tyq aýyl sharýashylyǵy bas­qar­masynyń málimetterine súıen­sek, óńirde kúnbaǵys tutynýshy suranysynan eki ese artyq ósi­ri­ledi eken. Tek, ony óńdeıtin ká­siporyndar tapshy. Al, Qashyr aýdanynda bul sharýany «Green Hause» seriktestigi qolǵa alypty.

Senbi, 16 aqpan 2013 8:07

Dúkenderde kúndelikti kórip júrgenimizdeı kúnbaǵys maıynyń túr-túri tolyp tur. Tańdaý – ózińizde. Jalpy, oblystyń turaq­tan­dyrý qoryna kúnbaǵys maıy Oral qalasynan jetkiziledi. Ob­lys­tyq aýyl sharýashylyǵy bas­qar­masynyń málimetterine súıen­sek, óńirde kúnbaǵys tutynýshy suranysynan eki ese artyq ósi­ri­ledi eken. Tek, ony óńdeıtin ká­siporyndar tapshy. Al, Qashyr aýdanynda bul sharýany «Green Hause» seriktestigi qolǵa alypty.

Kúnbaǵys maıyn shyǵaratyn bul zaýyt aýdanda júzege asyrylyp otyrǵan alǵashqy ınves­tı­sııalyq jobalardyń biri. Bu­ǵan deıin aýdan «Beregovoe» degen kúnbaǵys maıymen aty shyqsa, endi «Rahmet» degen kúnbaǵys maıy shyǵarylady. Kásiporyn óńirdegi kúnbaǵys maıyna degen tutyný kóleminiń 30 paıyzyn qamtı alady. Jalpy, kúnbaǵys ósirýde BUU-nyń esebi boıynsha Reseı birinshi orynda turǵan kórinedi. Bizdiń oblysta da kúnbaǵys ósiriledi. Dárigerler kúnbaǵystyń ateroskleroz, ınfarkt mıokardy, júrek-qan tamyrlary aýrýlaryna, baýyrdy saqtaýda paıdasy bar deıdi. Onyń quramynda holesterın joq.

Aýdan ákimi Nurlan Kúl­jan­nyń aıtýynsha, aýdanda «Bız­nestiń jol kartasy-2020» baǵdarlamasy aıasynda ótken jyly 1043 orta jáne shaǵyn kásipkerlik tirkelgen. Olardyń birqatary osy baǵdarlamanyń paıdasyn kórýde. Mysaly, Besjan aýyldyq aýmaǵyna qarasty «Gı­gant» seriktestiginiń basshy­sy V.Soldatenko óz bıznesin keńeıtýge nıet bildirip, 13,5 mıllıon teńge, Fedorovka aýyldyq aýmaǵynda «Zýenko» sharýa qojalyǵy mal sharýashylyǵyn damytýǵa 12,8 mıllıon teńge nesıe alypty. Búgingi kúni aýdan­da aýylsharýashylyq ónimderin óńdeıtin 9 naýbaıhana, 6 kúnbaǵys maıyn shyǵaratyn seh, 3 dıirmen, 2 shujyq sehy, 2 kúnbaǵys tu­qy­myn daıyndaıtyn seh, sút óńdeıtin 3 seh jumys jasaıdy. Byltyr 644,1 tonna nan-toqash ónimderi, 754,8 tonna kúnbaǵys maıy, 60,1 tonna shujyq ónimderi, 55,9 tonna kúnbaǵys tuqymy, 187,3 tonna sút ónimderi óndirilgen. Al, aýdan ortalyǵy Tereńkól aýylyndaǵy «Green Hause» seriktestiginiń kúnbaǵys maıy О́skemen, Reseıden keletin kúnbaǵys maıy­men sapasy birdeı, básekege qabiletti. Zaýyt tazartylyp, plastmassa qutyǵa quıylǵan kúnbaǵys maıyn shyǵarady. Kúnine 300 lıtr maı óndiriledi. Munda jylyna 20 myń tonna kúnbaǵys tuqymy qabyldanyp, 8 myń tonna daıyn kúnbaǵys maıynyń tazartylǵan kúıdegi sapaly ónimi aýdan jáne oblys tutynýshylaryna jol tartýda. Kásiporyn bul zaýytty iske qosýda tazartylǵan kúnbaǵys maıyn shyǵaratyn túrkııalyq qon­dyr­ǵylar ornatyp, zaýyt ǵı­ma­ra­tynyń ishi-syrty, óndiris oryndary men qoımalary talapqa saı jóndeldi. Bul úshin 200 mıllıonnan astam qarjy jumsaldy. Árqaısysynyń syıymdylyǵy 3 myń tonnadan turatyn qoımalar, aýdan men oblys aýmaǵynan jet­ki­ziletin ónimderdi qabyldap, keptirip, zaýyttyń ónimdi daıyndaıtyn oryndaryna jetkiziledi. Búgingi kúni munda jumys is­teı­tin mamandardyń barlyǵy oqy­tylyp, 30-dan astam aýyl tur­ǵyndary ju­mys­qa tartyldy.

Aýdan ákimi Nurlan Kúljannyń aıtýynsha, aýdanda bıyl «Jas Nur» seriktestigi Bobrovka aýyldyq aýmaǵynda sýarmaly daqyldardy ósiretin alqap, «Izoklınker-kz» seriktestigi Germanııanyń Klınker fırmasynyń tehnologııasy negizinde keramıkalyq plıtkalar, «Erjan» fermerlik sharýashylyǵy bekire tuqymdas balyqtardy ósirýge arnalǵan zaýyt ashpaqshy, ıaǵnı 3 ınvestısııalyq jobany iske qosý jumystary júrip jatyr. Kásiporyn basshysy Jasybaı Nyǵmanovtyń aıtýynsha, ónim sapa jaǵynan da joǵary baǵaǵa ıe. Qajetti óndiristik qu­ral-jabdyqtar Túrkııadan jet­ki­zilgen.

Farıda BYQAI,

«Egemen Qazaqstan.

Pavlodar oblysy.