Ǵabıt Músirepov aýdanynyń Novoıshım aýylynda kóp salaly sport alańy ashyldy.
Balalarǵa arnalǵan alańqaı, kóshe trenajerlary jáne hokkeı korty men fýtbol alańy talapqa saı jabdyqtalǵan.
«Samruq Qazyna Trast» áleýmettik jobalardy damytý qory «Meniń elim» áleýmettik ınvestısııalar baǵdarlamasy aıasynda elimizde 40-qa jýyq sport alańy ornatýǵa mindetteme alǵan bolatyn.
«Soltústik Qazaqstanda ekeýi turǵyzylady. Alǵashqysy aýdan ortalyǵynda iske qosylsa, ekinshisi Petropavl qalasynda salynady. Bul maqsattar úshin 58 mıllıon teńge qarjy bólindi», deıdi «Samruk KazynaTrast» qorynyń ókili Ibrahım Sháımerdenov.
Aýdan ortalyǵynda ornalasqan 11 temir jol uıymynda shamamen 1200-ge jýyq temirjolshy jumys isteıdi. Kúni-túni halyq ıgiligine eńbektenetin jandardyń bala-shaǵasyna barynsha jaǵdaı jasaý úshin aýdanda birqatar sharalar qolǵa alynǵan. Máselen, temirjol beket mańynda 600-den asa bala turady. Olar bos ýaqyttaryn tıimdi ótkizýi jáne salamatty ómir saltyn ustanýy úshin osyndaı zaman talabyna saı sport alańyna muqtaj bolatyn. Endi kez-kelgen ýaqytta osy jerge kelip, túrli sport túrlerimen alańsyz aınalysa alady.
«Osyndaı zamanaýı sport alańyn salyp bergen aǵalaramyzǵa alǵysymyz sheksiz. Bizge qatty unady. Trenajerlar óte jaqsy», deıdi baldyrǵandar qýanyshtaryn jasyra almaı
Múmkindigi shekteýli jandar da trenajerlermen esh qıyndyqsyz jattyǵa alady.