Jastar jylyna arnalǵan bul mádenı joba alǵash ret ótkizilip otyr. Festıvaldi eki kezeńde ótedi. Birinshi irikteý týry – eldiń barlyq oblystarynan kelgen talantty jastardyń onlaın-ótinimderin 2019 jyldyń 20 shildege deıin qabyldasa, ekinshisi - festıvaldiń aqtyq syny osy jyldyń tamyz aıynda Elordada ótedi.
Uıymdastyrýshylardyń pikirinshe, úsh fınalıst Ulttyq Delfıı komıtetiniń halyqaralyq shyǵarmashylyq jobalaryna qatysý quqyǵyna ıe bolady.
Jobaǵa 14-28 jas aralyǵyndaǵy shyǵarmashyl jastar qatysady. Joba aıasynda Ulttyq Delfıılik qazylar alqasy qatarynan elimizdiń mádenıet qaıratkerlerimen sheberlik saǵattaryn ótkizý jáne baıqaýǵa qatysýshylarǵa mentorlyq qoldaý kórsetý josparlanyp otyr.
Dástúrli túrde uıymdastyrýshylar erekshe qajettilikteri bar talantty jastardyń arasynan júzden júırik, myńnan tulpardy anyqtaıdy.
Festıval baǵdarlamasynda kelesi atalymdar usynylyp otyr:
1. Horeografııa (halyqtyq, zamanaýı, estradalyq bı);
2. Vokal (halyqtyq, estradalyq, akademııalyq);
3.Ym-ıshara tilinde oryndaý (solo, ansambl, shaǵyn nysanda);
4. Beıneleý óneri (jeke);
5. Sándik-qoldanbaly óner (jeke);
6. Halyq aspaptary (dombyra, qobyz, baıan/akkordeon jáne t. b.);
7. Teatr óneri (qoıylym úzindileri, mınıatıýralar, monologtar, sketchter jáne t.b.);
8. Elektrondyq mýzyka (klavıshalyq, qııaqty jáne ishekti aspaptar);
9. Kıim dızaıny;
10. Ashyq nomınasııa (jeke nomınasııamen málimdelmegen kez kelgen shyǵarmashylyq túri).
Konkýrstyq komıssııa usynylǵan ár nomınasııalar boıynsha birinshi, ekinshi jáne úshinshi oryn ıegerlerin anyqtaıdy.