Saltanatty is-sharada Bah myrza Grekııa, Qytaı, Fransııa, AQSh, Senegal, Avstralııa, Japonııa UOK basshylaryna jáne bosqyndardan jasaqtalǵan Olımpıadalyq qurama jetekshisine shaqyrtý usyndy. Shaqyrtý alǵandar qatarynda Olımpıada oıyndary alǵash ret uıymdastyrylǵan el jáne aldaǵy ýaqytta iri sporttyq básekelerdi qabyldaıtyn memleketter bar.
«Bir jyldan Japonııa tarıhqa enedi. Tórtjyldyq dodasy Tokıonyń búkil álemge japonnyń baı tarıhyn, dástúrin, ozyq ınnovasııasyn, qonaqjaılyǵy men sportqa degen mahabbatyn pash etýge berilgen múmkindik. Uıymdastyrý komıtetiniń minsiz jumysynyń arqasynda Olımpıadaǵa daıyndyq joǵary deńgeıde ótýde. Bizdi kóptegen jańashyldyqtar kútip tur. Biz sol sátti asyǵa kútemiz! Men Olımpıadaǵa bir jyl ýaqyt qalǵanda osyndaı daıyndyq júrgizgen eshbir qalany osyǵan deıin kórmedim», - dedi Bah.
Búginge deıin Olımpıada oıyndaryna 3,2 mıllıon bılet satylyp ketti. Al 200 myńnan asa adam erikti bolýǵa ótinish bildirgen.
«Tokıoǵa deıin bir jyl» saltanatty jıyny Tokıodaǵy halyqaralyq forým aıasynda ótti. Jıynǵa Japonııa premer-mınıstri Sındzo Abe, HOK prezıdenti Tomas Bah, Tokıo qalasynyń gýbernatory Iýrıko Koıke jáne ózge de laýazymdy tulǵalar qatysty.