Elektrli kreslo-arbalar elimizde qurastyryla bastady

Ońaltý qyzmetteriniń sa­pa­syn jaqsartý já­ne mú­ge­dektigi bar azamattar­dyń qa­jettilikterin qanaǵat­tan­dyrý maqsatynda buǵan de­ıin mınıstrlik pen kásiporyn ara­synda tıisti kelisim ja­salǵan bolatyn.

Berdibek Saparbaev Úki­mettiń keńeıtilgen otyrysynda el Prezıdenti mú­gedek azamattardy barlyq qa­jetti tehnıkalyq qural­darmen jáne ońaltý qyz­met­terimen qamtamasyz etýdi tapsyrǵanyn atap ótti. «Biz­diń mindetimiz – mú­gedektigi bar jandardy qa­jetti qural­darmen jáne ońal­tý qyzmet­terimen qamtamasyz etý. So­nymen qatar olar sapaly jáne qoldanýǵa yńǵaıly bolýy kerek. Eger bul úlgiler ózin jaqsy jaǵynan kórsetip, barlyq talaptarǵa saı bolsa, múgedektigi bar azamattardy elektr jetegimen júretin arbalarmen memlekettik tapsyrys sheńberinde qamtamasyz etý máselesin qarastyratyn bolamyz. Qazaqstanda sapaly ónim óndirýdi jolǵa qoısaq, tehnıkalyq jabdyqtardy ımporttaýdyń qajettiligi bol­­maıdy», dep atap ótti B.Sa­­parbaev.

Elektr jetegi bar kres­lo-arbalardyń alǵashqy táji­rıbelik úlgileri bala kezinen bas­tap birinshi toptaǵy múge­dektigi bar Dınara Alıeva men Erlan Eskenge berildi.

«Jańa úlgidegi elektr kreslo-arba óte yńǵaıly. Muny kópten armandaǵan edim. Endi bul arbanyń kó­me­gimen óz betimshe qozǵala ala­myn», dedi Dınara Alıeva.

Zaýyt dırektory Qaı­rat Qalmanbaevtyń aıtýyn­sha, otandyq ónimder shetel­dik balamasynan kem túspeı­di. Synaq sátti bolǵan jaǵ­daıda, kásiporyn elektr arba­la­rdyń serııalyq óndirisin jolǵa qoıýǵa nıetti.

Eńbek jáne halyqty áleýmettik qorǵaý mınıstrligi Aqtóbe oblysynda áleýmettik portal qyzmetin qanatqaqty rejimde júzege asyrýda. Bul portal múgedektigi bar aza­mattarǵa ońaltý quraldary men qyzmetterin óz betinshe tańdaýǵa múmkindik beredi.

«Tynys» AQ zaýyty qyz­­­metiniń negizgi salasy – avıa­sııalyq tehnıkaǵa ar­nal­ǵan toraptar men agregattar óndirý. Kásiporyn jylý al­mastyrǵysh jabdyqtar, ushaq órt sóndirgishteri, temperatýra dabyly, klapandar, elektrmagnıttik jáne jylý qosqyshtar, elektrondy basqarý bloktary, sonymen qatar kúsh qurylymdaryna arnalǵan oq-dáriler, saýyttar men qalqandar jáne t.b. shyǵarýmen aınalysady.

Sonymen qatar mınıstr Bulandy aýdanynyń Makın qalasyna baryp, jumyspen qamtý ortalyǵynyń qyz­meti­men tanysty. Búgingi tańda aýdanda ataýly áleýmettik kómek alatyn 243 otbasy bar, bul ótken jylmen salys­tyrǵanda úsh ese kóp. Mı­nıstr jumyspen qamtýǵa járdemdesýdiń belsendi sharalarymen, onyń ishinde AÁK alatyn azamattarmen jumysty kúsheıtý qajettigin atap ótti. «Oblysta AÁK alatyn 9800 eńbekke qabiletti azamat bar, olardyń tek 10 paıyzy jumyspen qamtýǵa járdemdesýdiń belsendi sharalaryna jatady. Sizderge osy baǵyttaǵy jumysty kúsheıtý kerek», dedi B.Saparbaev.