Bul týraly Aýyl sharýashylyǵy basqarmasy basshylyǵy qatysqan brıfıngte málim boldy.
Bıyl oblys óńirinde 600 myń gektar alqaptyń egini qýańshylyqtan syn kótermeıtin óte nashar kúıde tur. Barlyq alqaptyń tek 18 prosenti ǵana qalypty jaǵdaıda. Kóptegen aýdandarda kóktemnen beri kókten tamshy tamǵan joq. Ylǵaldyń azdyǵy daqyldyń barlyq túrine keri áserin tıgizip otyr. Oblysta bıyl barlyǵy 5 mıllıon gektar jerge dán sińirildi. Onyń ishinde 3 mln 266 myń gektary bıdaı, qalǵany burshaq tuqymdas, maıly daqyldar, jemdik shópter.
Oblysta qýańshylyqtyń saldarynan astyq túsiminiń azaıý qaýpimen qatar, mal azyǵynyń kemshin bolýy yqtımal degen de qaýip joq emes. Mal azyǵy qymbattaýy da múmkin.
«Bıyl shóp túsimi óte tómen. Keıbir aýdandarda ol gektaryna 1,5 jáne 3,5 tonnadan aınaldy. Shilde aıynyń aıaǵynda oblys boıynsha 980000 tonna pishen jınaldy», deıdi Oblystyq aýyl sharýashylyǵy basqarmasynyń basshysy Jansultan Taýkenov.
Qazir oblysta shóptiń bir tonnasy 20 myń teńgeni quraıdy. Basqarma basshysynyń aıtýynsha, oblysta kóptegen sharýashylyqtar ótken jyly jem-shóptiń 1,5 jyldyq qoryn jasap qoıǵan. Bıyl shópti az jınasa da qystan qysylmaı shyǵýǵa múmkindikteri bar. Biraq qorasyndaǵy birer iri qarasyna qarap otyrǵan aýyl turǵyndaryna qýańshylyq jyl jeńil bolmaıtyn túri bar. Kóptegen aýyldarda turǵyndar jem-shóptiń azdyǵy men qymbattyǵyna ázirden alańdap otyr.
Qostanaı