«Biz halyqtyń bólinýine , turaqsyzdyq ornaýyna jol bermeımiz», dep málimdedi Qyrǵyzstan prezıdenti Sooronbaı Jeenbekov parlamenttiń kezekten tys otyrysynda. Bul týraly «Kabar» agenttigine silteme jasap QazAqparat tilshisi habarlady.
Onyń aıtýynsha, elde zańdylyq, beıbitshilik pen qaýipsizdik ústemdik etýi úshin barlyq sharalar qoldanylady. «Atambaevtyń taraby atys qarýyn qoldanǵanyna qaramastan, arnaıy kúshter atys patrondaryn paıdalanǵan joq», - dep atap ótti Qyrǵyz Respýblıkasynyń prezıdenti Sooronbaı Jeenbekov búgin, 8 tamyzda Jogorký Keneshtiń kezekten tys otyrysynda.
Memleket basshysy jaǵdaıdy ýshyqtyrýǵa jol bermeý úshin sharalar men rezeńke oqtar qoldanylǵanyn erekshe atap ótti.
«Eger keshegi kúnge deıin Atambaevty tergeýge kýáger retinde shaqyrsa, endi oǵan asa aýyr qylmys jasaǵany úshin kúdikti retinde qaraıtyn bolady», - dedi Jeenbekov.
Sondaı-aq, keshe Atambaevtyń úıine shabýyl jasaý kezinde tutqynǵa alynǵan arnaıy qyzmet qyzmetkerleri bosatyldy. Bul týraly parlamenttiń otyrysynda depýtat Myktybek Abdyldaev habarlady.