Juma, 19 sáýir 2013 0:38
«Nur Otan» HDP Tóraǵasynyń birinshi orynbasary Baýyrjan Baıbek oblysqa jumys sapary barysynda aldymen qaladaǵy №7 kásiptik lıseıge keldi. Lıseı «Qazaqstan elektrolız zaýyty» AQ-ta jumys jasaıtyn bolashaq mamandardy daıyndaıdy.Osy jerdegi «Tekri» kásipornynyń jumysymen tanysty. Bul – ınteraktıvti 3D tehnologııalaryn kontaktisiz basqarý jobalaryn daıarlaıtyn kompanııa. Biz bul jaıynda gazetimizde jazǵan bolatynbyz.
Juma, 19 sáýir 2013 0:38
«Nur Otan» HDP Tóraǵasynyń birinshi orynbasary Baýyrjan Baıbek oblysqa jumys sapary barysynda aldymen qaladaǵy №7 kásiptik lıseıge keldi. Lıseı «Qazaqstan elektrolız zaýyty» AQ-ta jumys jasaıtyn bolashaq mamandardy daıyndaıdy.Osy jerdegi «Tekri» kásipornynyń jumysymen tanysty. Bul – ınteraktıvti 3D tehnologııalaryn kontaktisiz basqarý jobalaryn daıarlaıtyn kompanııa. Biz bul jaıynda gazetimizde jazǵan bolatynbyz. Osy kúnderi «Tekri» JShS jasaǵan ınnovasııalyq modýlder kásiptik jáne tehnıkalyq lıseıler, iri ónerkásip oryndarynda qoldanylýda. B.Baıbek biregeı qurylǵylar óndiriletin negizgi óndiristik ǵımarattardy aralap kórdi. Bul oqý ornynda bolashaqtaryn óndirispen baılanystyrǵan jastar bilim alady. Qurylǵylar arqyly oqýshylar esh qıyndyqsyz dánekerleý jumystaryn júzege asyrady. Oqýshylar óndiris prosesin vırtýaldy túrde sezinedi. «Tekrı» kompanııasynyń dırektory Ilıa Mýhortovtyń aıtýynsha, birneshe jobalar tehnıkalyq bilim berý mektepteriniń oqytý baǵdarlamasyna engizilipti. Tehnologııanyń ereksheligi sol, qıyn mehanızmderdi vızýaldy túrde jasaýǵa múmkindik beredi.
Kelesi kezekte B.Baıbek qaladaǵy jastarǵa qyzmet kórsetý ortalyǵyna keldi. Bul qanatqaqty joba bizdiń oblysta júzege asýda. Osy jerde mamandar quqyqtyq, psıhologııalyq keńester beredi. Jalpy, munda keletin jastarǵa qyzmettiń 13 túri kórsetiledi. Oqý kabınetterinde 3 tildi úırený kýrstary jumys isteıdi. Qyzmettiń barlyq túri tegin.Budan keıin «Dostyq úıinde» oblystaǵy etnomádenı birlestikter ókilderimen kezdesý ótti. «Nur Otan» HDP Tóraǵasynyń birinshi orynbasary etnomádenı birlestikterdiń eldegi etnosaralyq jáne konfessııaaralyq kelisimdi nyǵaıtýdaǵy mańyzyn atap kórsetti. Sondaı-aq, «Nur Otan» partııasy men Qazaqstan halqy Assambleıasy arasynda áriptestik jónindegi memorandýmǵa qol qoıý josparlanyp otyrǵanyn jetkizdi.Tústen keıin B.Baıbek bastaǵan partııalyqtar «Jas urpaq» jastar úıine keldi. Parlament Májilisi keshe «Keıbir zańnamalyq aktilerge jetim balalar men ata-anasynyń qamqorlyǵynsyz qalǵan balalardyń turǵyn úıge quqyqtaryn qamtamasyz etý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda qabyldaǵany belgili. Tárbıelenýshi Polına Sybýlkınanyń aıtýynsha, soǵan sáıkes páter kezeginde turǵan ózderi sekildilerge birshama jeńildikter jasalady. «Buǵan asa qýanyshtymyz. О́ıtkeni, jasy 23-ten asqan keıbir taǵdyrlastarymyz bes jyl boıy páter kezegin kútýde», dedi ol. Jastar úıiniń tárbıelenýshileri B.Baıbekke bul jańalyqqa qýanyshty ekendikterin jetkize kelip, ózderin azyq-túlikpen qamtamasyz etetin jylyjaı kerek ekenin de jasyrmady. Sóıtip, endi bul másele jergilikti máslıhat depýtattarynyń talqylaýyna ulasyp, sol arqyly jylyjaı salýǵa qajetti qarjy qarastyrylmaqshy. B.Baıbekti otbasynan tys ortada tárbıelenip jatqan balalardyń turmysy, kúndelikti ómiri qyzyqtyrdy. Jatyn oryn, tamaqtaný bólmelerin aralady.Sapar sońy oblystyq partııa aktıvimen kezdesýmen aıaqtaldy. Shara barysynda partııanyń aldaǵy ýaqyttaǵy basty mindetteri atap kórsetildi. Olardyń ishinde óńirlerdegi jumysty kúsheıtý, memlekettik organdar jumysyna baqylaýdy arttyrý, qoǵam men bılik arasyndaǵy keri baılanysty nyǵaıtý, úkimettik emes uıymdar jáne jastar uıymdarymen júıeli baılanys ornatý jaıy talqylandy.
Farıda BYQAI,«Egemen Qazaqstan».
Pavlodar oblysy.