Qoǵamdyq densaýlyq basqarmasynyń basshysy Qanat Tósekbaev qala ákimi Baqytjan Saǵyntaevtyń tapsyrmasy boıynsha sapaly medısınalyq qyzmetke qoljetkizýdegi mobıldi toptardyń jumysy týraly habarlap, Almaty qalasyndaǵy medısınalyq mekemeler 1-30 tamyz aralyǵynda ótip jatqan aılyqtyń belsendigi týraly baıandap ótti.
Almaty ákimdiginiń baspasóz qyzmetiniń málimeti boıynsha qalanyń shet aımaǵyndaǵy yqsham aýdandar turǵyndaryna basa nazar aýdaryldy, olarǵa keńes berildi jáne bir qadam jaqyn medısınalyq kómek kórsetildi.
Jyljymaly keshender halyqty durys qaraý úshin zamanaýı qondyrǵylarmen jabdyqtaldy. Joǵary mamandanǵan medısına qyzmetkerleri, olardyń ishinde terapevter, pedıatorlar, kardıologtar, hırýrgter, lor jáne basqa kásibı dárigerler qabyldaýlar júrgizdi.
Aılyq aıasynda medısına qyzmetkerleri halyqqa Regıstr arqyly tirkelý jáne mobıldi qosymshalar ornatý boıynsha aqparattyq–túsindirý jumystaryn júrgizdi.
1-13 tamyz aralyǵynda qalanyń 20-dan astam shet aımaqtaryndaǵy 5704 turǵyn birqatar medısınalyq tekserýden tegin ótti jáne túrli keńester aldy.
Qoǵamdyq Densaýlyq basqarmasynyń basshysy sonymen qatar medısınalyq mekemelerdiń jabdyqtalýyna oraı aýdıt júrgizilgenin aıtty. Aýdıt 71 emdeý mekemesin, onyń ishinde 14 stasıonardy, JMJJ-niń 38 uıymyn, 7 bosaný jáne 12 basqa da mekemelerdi qamtydy.
Al jedel medısınalyq qyzmet kórsetý maqsatynda 2020 jylǵa qaraı qaladaǵy eskirgen sanıtarlyq avtokóliktiń ornyna 70 avtokólik satyp alý josparlanyp otyr.
ALMATY