Sporttyq ınfraqurylymdy damytý boıynsha sporttyq nysandarǵa qajettilik joǵary aýmaqtarda 100 deneshynyqtyrý-saýyqtyrý keshenin salý jumystary bastaldy. Bul týraly Mádenıet jáne sport mınıstri Aqtoty Raıymqulova Ortalyq kommýnıkasııalar qyzmetinde ótken baspasóz maslıhatynda málimdedi.
«Jergilikti ákimdiktermen birge 2019 jyly salynatyn jobalar tizimin naqtylandy. Bıyl 22 dene shynyqtyrý-saýyqtyrý kesheni, 2020 jyly - 34, 2021 jyly – 44 nysan salynady»,- dedi mınıstr.
Aıtýynsha, aımaqtarda dene-shynyqtyrý saýyqtyrý keshenderiniń 100, 160 jáne 320 oryndyq tıptik jobalary qarastyrylǵan.
«Joǵaryda atalǵan keshenderdiń qurylysy jergilikti bıýdjet jáne demeýshiler qarajaty esebinen júzege asyrylady», - dedi Aqtoty Raıymqulova.
Mınıstrliktiń júrgigen taldaýyna sáıkes, óńirlerde sporttyq zaldarǵa degen qajettilik – 1 mln 457 myń sharshy metrdi quraıdy.